Týrnırdiń ashylý saltanatyna Qazaqstan Tennıs federasııasynyń Prezıdenti Bolat О́temuratov, QR Mádenıet jáne sport mınıstri Arystanbek Muhamedıuly, Qazaqstan tennıs federasııasynyń vıse-prezıdenti Dıas Dosqaraev, QR Bas Prokýrorynyń orynbasary Marat Ahmetjanov, QR eńbek sińirgen sport sheberi Sergeı Kotenko, QR eńbek sińirgen qaıratker Ámir Ahmetov jáne basqa da tulǵalar qatysty.
«Qurmetti qatysýshylar, uıymdastyrýshylar jáne qazylar alqasy. Barshańyzdy Qazaqstan Respýblıkasy Tuńǵysh Prezıdent kúnimen quttyqtaımyn. Nursultan Ábishuly tenııstiń damýyna erekshe kóńil bóledi jáne ınfraqurylymnyń damýyna qoldaý kórsetip otyrady. Atalmysh týrnır alty jyl qatarynan ótip kele jatyr jáne jyl saıyn qatysýshylardyń sany kóbeıýde. Sizder, áýesqoılar, tennısti tanytýdaǵy negizgi kúshtiń birisizder. Sizder kúsh-qýattaryńyz jáne osy sport túrine degen súıispenshilikterińiz arqyly tennısti nasıhattaıdy degen senimdemin. Týrnır qyzyqty jáne shıeleniske toly bolady. Barshańyzǵa tabys, sáttilik tileımin! Eń myqty jeńimpaz atansyn», - dedi QTF Prezıdenti Bolat О́temuratov óziniń alǵy sózinde.
Ereje boıynsha týrnır eki bólikke bólingen – toptyq jáne fınaldyq pleı-off kezeńi. Toptyq kezeń sheńber júıesinde ótip, matchtar bir setten 6 geımge deıin jalǵasady. 6:6 esebinde 7 upaıǵa deıin taı-breık oınatylady. Toptyq kezeńniń nátıjesinde Olımpııalyq júıe boıynsha ótetin fınaldyq kezeń bastalady. Top ishindegi birinshi jáne ekinshi oryn ıegerleri negizgi sanat «Masters»-ke shyǵady, úsh jáne tórtinshi oryn ıelengender qosymsha «Fıýchers» týrnırinde óner kórsetedi. Pleı-off oıyndary bir profsetten 8 geımge deıin bolady, 7:7 esebinde 7 upaıǵa deıin taı-breık oınatylady. Matchty ótkizý formaty qatysýshylardyń tolyq quramy anyqtalǵannan keıin ózgerýi múmkin.
Jarys Halyqaralyq tennıs federasııasy bekitken tennıs oıyndarynyń erejesi boıynsha 2012 jyldan beri ótkiziledi. Júlde qory 2 mln teńgeni quraıdy. Bıyl týrnırge Qazaqstan, Italııa, Ispanııa, Chehııa, Reseı, Ýkraına, О́zbekstan jáne Qyrǵyzstan elderinen M30+, M45+ jas shamasyndaǵy 144 áýesqoı tennısshi qatysýda.
