Parlament Senaty Ekonomıkalyq saıasat, ınnovasııalyq damý jáne kásipkerlik komıtetiniń keńeıtilgen otyrysynda «Qazaqstan Respýblıkasy men Halyqaralyq Qaıta Qurý jáne Damý Banki arasyndaǵy № 7681-KZ Qaryz týraly kelisimge (Ońtústik-Batys avtomobıl joldaryn damytý jobasy: Batys Eýropa – Batys Qytaı halyqaralyq tranzıt dálizi (OAО́EY 1b jáne 6b)) № 2 túzetýlerge qatysty Qazaqstan Respýblıkasy men HQQDB arasyndaǵy kelisim-hatty ratıfıkasııalaý týraly» zań jobasy talqylandy.
Zań jobasymen Qazaqstan Respýblıkasy men HQQDB arasyndaǵy № 7681-KZ Qaryz týraly kelisimge (Ońtústik-Batys avtomobıl joldaryn damytý jobasy: Batys Eýropa – Batys Qytaı halyqaralyq tranzıt dálizi (OAО́EY 1b jáne 6b)) qosymsha «Kúrti-Býrylbaıtal» jáne «Uzynaǵash-Otar» joldary aralyqtaryn qosý jáne qaryzdar qarjysyn sanattar arasynda qaıta bólý kózdelip otyr.
Joba 271,3 mıllıon dollar somasyndaǵy HQQDB-niń únemdelgen qarjysy men respýblıkalyq bıýdjetten 47,9 mıllıon dollar qosymsha qarjylandyrý esebinen júzege asady.
Kelisim-hatty ratıfıkasııalaý 2015-2019 jyldarǵa arnalǵan «Nurly jol» memlekettik ınfraqurylymdy damytý baǵdarlamasynda kózdelgen avtomobıl joldaryn jańǵyrtý jónindegi shyǵyndardy tıimdi basqarýǵa baǵyttalǵan.
Zań jobasy Palatanyń qaraýyna jiberildi.
