Mundaı formattaǵy semınar óńirde alǵash ret ótkizildi. Oǵan polısııa qyzmetkerlerinen bólek basqa da quqyq qorǵaý organdarynyń qyzmetkerleri qatysty. О́tken ǵasyrdyń orta tusynda paıda bolǵan sporttyń bul túrin úıretýge Búkilálemdik hapkıdo federasııasynyń prezıdenti, orta salmaqtaǵy MMA boıynsha álemniń eks-chempıony Lı Gak Sý jáne shyǵys jekpe- jeginiń sheber Kım Djýn Iong keldi.
«Bul – qazaq-káris qoǵamdyq qory atqarǵan san-salaly jumystardyń biri ǵana. Halyqaralyq deńgeıdegi sheberlik sabaqtarynda quqyq qorǵaý organdarynyń qyzmetkerleri jaqsy qyrlarymen tanyla bildi», - dedi oblys ákiminiń orynbasary Madııar Qojahmet óz sózinde.
«Er Nur & Nıka» qazaq-káris dostyǵy qoǵamdyq qorynyń prezıdenti Ignatıı Tıo, dene shynyqtyrý jáne sport basqarmasynyń basshysy Rýslan Esenalın, tanymal boksshy Serik Nurqazov, OIID bastyǵy Berik Bilálov mundaı jıyndar qyzmetkerlerdiń áleýetin keńeıtýge zor múmkindikter beretinin atap ótti. Tez ári durys sheshim qabyldaý, ózindik tártip pen shydamdylyq polısııa mamandyǵyn aıshyqtaıtyn basty qasıetter sanalady. Al, jaýyngerlik óner bul qasıetterdi nyǵaıtýǵa septesedi.
Semınar sońynda Búkilálemdik hapkıdo federasııasynyń prezıdenti Lı Gak Sý 42 qyzmetkerge sertıfıkat tabystady. Olardyń 20-sy – jyldam qımyldaıtyn arnaıy jasaqtyń qyzmetkerleri, beseýi – arnaıy daıarlyq basqarmasynyń ınspektorlary. Mundaı qurmetterge mamandandyrylǵan kúzet qyzmeti basqarmasynyń,qylmystyq-atqarý júıesi departamentiniń ókilderi de ıe boldy.
О́mir Esqalı.
«Egemen Qazaqstan».
Soltústik Qazaqstan oblysy
