Oqıǵa 28 naýryz kúni Qostanaı qalasynyń «Bereke» shaǵyn aýdanynda bolǵan. Áleýmettik jelilerde taraǵan málimetke sáıkes, bir top azamat qoǵamdyq tártipti buzǵany úshin eskertý jasaǵan polısııa qyzmetkerine shabýyldaǵan. Polısııa qyzmetkerleri kúdiktilerdi jedel anyqtap, ustady.
Batys Qazaqstan oblysynda polısııaǵa baǵynbaǵan bir top azamat ustaldy
Alǵashynda is «ómirge qaýipti emes zorlyq-zombylyq qoldaný» babymen qozǵalǵan. Alaıda keıin tergeý barysynda is Qylmystyq kodekstiń 380-baby 6-bóligi 4-tarmaǵyna («Bılik ókiline qatysty, top bolyp jasalǵan jáne ómiri men densaýlyǵyna qaýipti zorlyq-zombylyq») aýystyryldy. Bul bap boıynsha aıyptalýshylar 10 jyldan 15 jylǵa deıin bas bostandyǵynan aıyrylýy múmkin.
Sot sheshimimen úsh kúdiktige qatysty 2 aı merzimge qamaýda ustaý túrindegi bultartpaý sharasy tańdaldy. Qazirgi ýaqytta tergeý amaldary jalǵasyp jatyr.
Oqıǵa 31 naýryz kúni taraǵan vıdeodan keıin qoǵamda úlken rezonans týdyrdy. Jazbada mas kúıdegi birneshe adamnyń qyzmettik kıimdegi polıseıdi qorshap alyp, soqqyǵa jyqqany kórsetilgen. Zardap shekken qyzmetker qazirgi tańda em qabyldap jatyr.
