Uly ǵulama Ábý Nasyr ál-Farabı babamyzdyń «Tárbıesiz berilgen bilim – adamzattyń qas jaýy» qaǵıdasyn berik ustanatyn Shymkent qalasyndaǵy Joǵary jańa tehnologııalar kolledji árbir jyldy tárbıe taqyrybyna arnap, túrli is-sharalar ótkizýdi dástúrge aınaldyrǵan. Atap aıtsaq, kolledjde 2014 jyldy «Mádenıet jyly» dep jarııalap, sonyń sheńberinde kóptegen mádenı sharalar uıymdastyryldy. Tarıhty tereńnen taný, ótkenimizdi zerdelep, urpaqtyń sanasyna sińirý qashanda mańyzyn joımaǵan másele. «О́z tarıhyn bilmegen ulttyń bolashaǵy da bulyńǵyr» taqyrybynda Elbasy bastamasymen Qazaq handyǵynyń 550 jyldyq mereıtoıyn memlekettik deńgeıde atap ótý ıdeıasyna saı, 2015 jyl kolledjde «Tarıh jyly» bolyp jarııalandy. Bul jyly da taqyrypqa saı mańyzdy sharalar, aımaqtyq konferensııa, shyǵarmalar baıqaýy uıymdastyryldy. Jastarǵa estetıkalyq, ásemdik, rýhanı qundylyqtardy aqyn-jazýshylardyń shyǵarmalary arqyly tárbıe bere otyryp, eldikti, ulttyq qundylyqtardy qasterleýge, týǵan elin, tilin, ádebıeti men mádenıetin súıýge, olardy kitap oqýǵa, kórkemsóz ónerine baýlý maqsatynda jáne el Táýelsizdiginiń 25 jyldyǵyna oraı, 2016 jyl kolledjde «Kitap jyly» bolyp jarııalandy. Alǵashqy is-shara M.Áýezovtiń álemge áıgili «Abaı joly» roman-epopeıasyn ujymdyq talqylaýdan bastaý aldy. «Kitap jylynda» Táýelsizdigimizdiń 25 jyldyǵyna oraılastyryp, kolledj ujymynyń úılestirýimen 25 mádenı is-shara ótti.
Al, bıylǵy jyldaǵy is-sharalar rýhanı jańǵyrýmen tikeleı baılanystyrylyp otyr. Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasy – shırek ǵasyrdy artqa tastaǵan Táýelsiz Qazaqstannyń jahandaný dáýirindegi rýhanı keńistiginiń jańa bastaýy. Elbasy Nursultan Nazarbaevtyń bul maqalasy el damýynyń jarqyn úlgisi men naqty qadamdaryn kórsetetin keleli oı, salıqaly pikir, batyl sheshimderge qurylǵan mańyzdy qujat. «Ulttyq kod, ulttyq mádenıet saqtalmasa, eshqandaı jańǵyrý bolmaıdy». Ulttyq jadyny jańǵyrtý rýhanı quldyqtan arylýǵa bastaıdy. Bul baǵytta Memleket basshysynyń memlekettik tildi latyn grafıkasyna kóshirýdi Jarlyqpen bekitýi Táýelsiz elimizdiń baqytty bolashaǵy men alańsyz keleshegi úshin jasalyp jatqan jumys. Bul qazaq tiliniń álemdik órkenıet keńistigine shyǵýyna, jańa geosaıası jaǵdaıdaǵy onyń qoldanylý aıasyn keńeıtýge jáne ǵylymı-tehnıkalyq progreste jetistikterge jetýge úlken múmkindikter beretinine senimdimiz.
Prezıdent: «Jańǵyrý ataýly burynǵydaı tarıhı tájirıbe men ulttyq dástúrlerge shekeden qaramaýǵa tıis. Kerisinshe, zamana synynan súrinbeı ótken ozyq dástúrlerdi tabysty jańǵyrýdyń mańyzdy alǵysharttaryna aınaldyra bilý qajet. Eger jańǵyrý eldiń ulttyq-rýhanı tamyrynan nár ala almasa, ol adasýǵa bastaıdy. Sonymen birge rýhanı jańǵyrý ulttyq sananyń túrli polıýsterin qıynnan qıystyryp, jarastyra alatyn qudiretimen mańyzdy», dep rýhanı jańǵyrýdyń negizgi qyzmeti men erekshelikterin atap kórsetti. Elbasynyń rýhanı jańǵyrýǵa, bilim-ǵylymǵa mańyz berýi – úlken kóregendik, ulttyń alǵa ilgerileýin jyldam qarqynmen jyljytatyn qozǵaýshy kúsh. Bul rette Tuńǵysh Prezıdentimiz tutas qoǵamnyń jáne árbir qazaqstandyqtyń sanasyn jańǵyrtýdyń alty baǵytyn belgilep berdi. Olardyń bári barynsha ózektendirilgen jáne ýaqyttyń talaptaryna naqty jaýap beredi. «Máńgilik el» bolýymyz úshin bizge aýadaı qajetti qasıetter men qundylyqtardyń qaınary toǵysyp, aqyl-parasaty tolysqan, ǵalamdyq ǵylymdy ıgergen adamdar kóp bolsa, elimiz órkenıetti, básekege qabiletti bolatyny aqıqat.
Qanatbek DOSALIEV,
Joǵary jańa tehnologııalar
kolledjiniń dırektory
Ońtústik Qazaqstan oblysy
