Ákimniń aıtýynsha, ónerkásip ónimderiniń óndiris kólemi- 409 mlrd 249 mln. teńgeni qurap, ótken jyldyń tıisti kezeńimen salystyrǵanda 52 mlrd. 429 mln. teńgege kóbeıgen.
Esepti kezeńde aýdanda 3625,2 myń tonna shıki munaı óndirilip, oblys kóleminiń 24,3% qurady.
1834 shaǵyn kásipkerlik sýbektisi tirkelip ótken jyldyń sáıkes kezeńimen salystyrǵanda 196-ge kóbeıgen. Onyń ishindegi 151 zańdy tulǵalar bolsa, 1683 jeke tulǵalar.
Shaǵyn kásipkerlikte jumyspen qamtylǵandardyń sany 5470 adamdy qurap, 2016 jyldyń tıisti kezeńimen salystyrǵanda 459 adamǵa kóbeıgen. Kásipkerlerdi qoldaý baǵytynda 69,6 mln.teńge kóleminde 14 adamǵa nesıe berildi.
Aýdand aýylsharýashylyq salasy eki baǵytta: egin jáne mal sharýashylyǵy boıynsha damýda. Aýdan boıynsha 157 sharýa qojalyǵy tirkelgen, onyń 23 sharýa qojalyǵy eginmen, al 119 -y mal sharýashylyǵymen aınalyssa, 15 sharýa qojalyǵy ekeýimen de aınalysady. Qazirgi ýaqytta 2 a/sh kooperatıvteri qurylyp, endi memlekettik baǵdarlama aıasynda damý josparlaryn qarjylandyrý pysyqtalýda.
-Aýdan sharýashylyqtary boıynsha 10 aımen mal men qustyń barlyq túrin tirideı salmaqta etke ótkizý 6,4 paıyzǵa, saýylǵan sút- 16,7 paıyzǵa, taýyq jumyrtqasy ónimi- 88,5 paıyzǵa ósken. Mal basy boıynsha: iri qara mal- 2340 bas, 121 paıyz; qoı- 37133 bas, 110 paıyz; eshki- 14630 bas, 128,9 paıyz, jylqy- 10098 bas, 125,3 paıyz, túıe- 6204 bas, 99,3 paıyz;, qus- 2428 bas, 172,1 paıyz boldy. Tirkelgen jumyssyzdar sany – 316 adamdy qurady. Onyń ishinde jumyssyzdar retinde tirkelgender naqty sany- 134, ótken jyly 11 aı ishinde 168 adam bolǵan edi. Qalǵan 182 adam jumyspen qamtý aqparattyq júıesine ózgeris eńgizilýine baılanysty ýaqytsha jumystar, áleýmettik jumys oryndary, jastar praktıkasy, aıdyń aıaǵyna qaldyrylǵan jumyssyzdar esebinde turǵandar, dedi T.Asaýov.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
