Kodeks jobasymen kedendik bajdar, salyqtar, arnaıy dempıngke qarsy jáne ótemaqy bajdary týraly erejeler, sondaı-aq keden bajdaryn esepteý, tólem jónindegi mindettemelerdiń týyndaýy men toqtatylýy, keden bajdary men salyqtardy tóleý merzimi, olardyń tóleý jáne óndirý jónindegi mindetterdiń oryndalýyn qamtamasyz etý jónindegi erejeler retteledi.
Zań jobasy EAEO-nyń kedendik aýmaǵyna taýardyń kelýi men ketýine baılanysty kedendik operasııalardy júzege asyrý, kedendik deklarasııany berý jáne shaqyryp alý, taýarlardy shyǵarý tártibin retteıdi. Halyqaralyq tasymal quraly, halyqaralyq poshta jóneltilimderi, turba qubyrlary tasymaly jáne elektr jelileri arqyly beriletin jáne osy sekildi basqa da taýarlardy EAEO kedendik shekarasy arqyly ótkizý tártibi men sharttarynyń erekshelikteri belgilendi.
Kodeks aıasynda deklarasııa berýshini ákimshilik jaýapkershilikten bosatý jaǵdaılary aıqyndalyp, kedendik baqylaý retteledi, keden isi salasyndaǵy jáne ekonomıkalyq operatorǵa ókiletti adamdardyń qyzmetine qatysty erejeler engiziledi.
Odan basqa, zań jobasy kedendik retteý salasyndaǵy basymdyqqa ıe jańa baǵyttardy, onyń ishinde keden organyna tıisti qujattardy bermeı-aq keden deklarasııasyn elektrondyq nusqada berý; kedendik bajdardy avanstyq tólemder engizý arqyly tóleý; memlekettik organdardyń ózara aqparattyq is-qımylynyń «bir tereze» tetigin paıdalaný múmkindigin kózdeıdi.
Senatorlar «Qazaqstan Respýblıkasynyń keıbir zańnamalyq aktilerine kedendik retteý máseleleri boıynsha ózgerister men tolyqtyrýlar engizý týraly» zań jobasy da birinshi oqylymda talqylady.
Jańa Keden kodeksiniń qabyldanýyna baılanysty 35 zańǵa túzetý engiziledi. Onyń ishinde Qylmystyq, Kásipkerlik, Ekologııa jáne Bıýdjet kodeksteri, «Halyq densaýlyǵy jáne densaýlyq saqtaý júıesi týraly» kodeks, Ákimshilik quqyq buzýshylyq týraly kodeks jáne «Qazaqstan Respýblıkasyndaǵy bankter jáne bank qyzmeti týraly», «О́simdikter karantıni týraly», «Avtomobıl kóligi týraly», «Tehnıkalyq retteý týraly» jáne basqa da zańdarǵa túzetýler engiziletin boldy.
Zań jobasymen taýarlar shyǵarý týraly ótinishte nemese ýaqytsha áketilgen halyqaralyq tasymaldaý kólik quraldaryna qatysty operasııalar jasaý týraly ótinishte kórineý anyq emes málimetter kórsetip EAEO keden shekarasy arqyly iri kólemdegi taýarlar ótkizýdi ekonomıkalyq kontrabandaǵa jatqyzý bóligine ózgeris engiziledi.
Keden operasııalaryn jasaý barysynda respýblıkalyq bıýdjetke jiberiletin salyq túsimderiniń túrleri, onyń ishinde: ishki naryqty qorǵaý sharalaryn qoldanýǵa baılanysty tólenetin keden bajdary, keden alymdary men arnaıy, dempıngke qarsy jáne ótemaqy bajdary, sondaı-aq aldaǵy tólemderdi tóleý esebinen avans tólemderi naqtylanady.
Zań jobasynyń aıasynda birqatar zańdarǵa basqa da túzetýler engiziledi.
Zań jobalary Palatanyń qaraýyna jiberildi.
