Alǵys – el syıy

Asa mártebeli, Nursultan Ábishuly!

Zamanaýı Qazaqstan qoǵamy mazmuny jaǵynan rýhanı qaıta túlep, jańǵyrýda. Shırek ǵasyr ishinde el múddesi sheńberinde qol jetkizilgen jetistikter ulan-ǵaıyr. Uly Dalanyń tósinde júregińizden shyqqan ulaǵattaryńyz Qazaqstan halqynyń oıyndaǵysyn tap basyp, únemi qoldaýǵa ıe.

Qadirli Nursultan Ábishuly! Babalarymyz aıtyp ketkendeı, «Alǵys – el syıy». Biz, Qazaqstan Res­pýb­lıkasynyń zııaly qaýymy, bilim, ǵylym jáne mádenıet salasy­nyń qaıratkerleri, Sizdiń jahandyq syn-qaterler aıasynda qanshama ba­tyl bastama kótergenińizge kýáger­miz. Jalpy ishki áleýmettik-ekono­mı­kalyq damý nemese syrtqy eldermen yntymaqtastyq qarym-qatynasta bolsyn, ońaı bolmaǵany belgili.

Sizdiń el ıgiligi úshin júrgizgen salıqaly saıasatyńyz, ulttyq qun­dylyqtardy jalpyadamzattyq qundylyqtarmen ushtastyrý sheber­ligińizdi joǵary baǵalaımyz jáne rızashylyǵymyzdy bildiremiz.

Táýelsizdiktiń alǵashqy qadamy ult bolyp uıysyp, el bolyp qalyp­tasý qaǵıdasymen ushtasty. Boıy­ńyzdaǵy kóregendilik qasıetińiz, Qa­zaqstannyń Eýrazııa keńistigindegi orny men basymdyqtaryn baǵalaýǵa jol siltedi. Rýhanı-mádenı mura­ny jańǵyrtý kózi retinde tarıhı, ulttyq-mádenı tamyrlarǵa asa zor mán berdińiz. Dúnıejúzilik táji­rı­belerdi saralaı kele, túbinde qazaq­standyqtardyń álemniń alpaýyt el­derimen qatarlasa alatynyna senim uıalattyńyz.

Qazaqstan Respýblıkasynyń bá­sekege qabiletti keleshegi – stra­tegııalyq baǵyt-baǵdardyń bastamashysy boldyńyz. Elbasyna laıyqty danalyq kórsete aldyńyz. Qoǵamdyq sanaǵa qozǵaý salyp, jigerine jiger qostyńyz. Búgingi kúni «Mádenı mura», «Ǵylymı qazyna», «Halyq tarıh tolqynynda» jáne basqa da memlekettik baǵdarlamalar men salaaralyq ǵylymı, mádenı zertteý­ler jalǵasyn taýyp, sanany jań­ǵyrtýǵa jáne jetildirýge zor yqpalyn tıgizýde. «Bolashaqqa baǵdar: rýhanı jańǵyrý» maqalańyz aıasynda «Týǵan jer» baǵdarlamasynyń usynylýy qazaqstandyqtarǵa erekshe serpilis bergenin atap ótken jón.

Qurmetti Elbasy! Bıyl qasiretke toly, zobalań da zulmat – XX ǵasyr zııalylarynyń rýhy ulyqtalyp, Rýhanı jańǵyrý: Alash jáne azattyq ıdeıasynyń sabaqtastyǵy aıasynda Alash qozǵalysynyń 100 jyldyǵy el kóleminde ǵana emes, shetelderde de atalyp ótti.

Tarıhtyń basty taǵylymy – ulttyq biregeılik, rýhanııat, dástúrli mádenıetimizdi saqtaý bolyp qala bermek. Oǵan qosa, «Rýhanı jańǵyrý» ulttyń ótken jolyn ǵylymı negizde qorytýdyń jańa fılosofııasy men múmkindigin aıqyndap berdi. «Otan – eldiń anasy, el – erdiń anasy» bolǵandyqtan da, halyq qamy úshin aıtylatyn Sizdiń árbir paıymyńyzdy qasterleımiz. Tarıhı-mádenı muramyzdy urpaqtan-urpaqqa amanattaý – paryzymyz! Tipti ekonomıkalyq jáne túrli ǵylymı is-sharalarda sheteldik sarapshylardyń tushymdy pikirin estigende mártebemiz ósip qalatynyn da jasyra almaımyz. Mysaly, 2017 jyldyń 10 qarashasy kúni ótkizilgen halyqaralyq ǵylymı-tájirıbelik is-sharaǵa katysqan Túrkııa, Ázerbaıjan, О́zbekstan, Qyrǵyzstan, Reseı jáne de basqa elderden kelgen ǵalym-sarapshylar tarapynan «Rýhanı jańǵyrýdyń» tarıh jáne salt-dástúrler sabaqtas­tyǵyndaǵy rýhanı-mádenı negizderi joǵary baǵalandy. «Namysty myńdy jyǵady» demekshi, Sizdiń qamshylaýyńyzben halyqaralyq EKSPO-2017 kórmesiniń sátti ótýi el abyroıyn arttyra tústi.

Qazaqstandyqtardyń patrıottyq rýhy artyp, keleshekke degen senimi nyǵaıa tústi. Rasynda, bul – aqıqat dúnıe.

Nursultan Ábishuly! San salaly qıynshylyqtar men kedergilerge qaramastan, osynshama aıtýly tarıhı oqıǵalar men jetistikterdi kóre tura Sizdiń kóshbasshylyq qadir-qasıetińizdi tilge tıek etpeý, búgingi zııaly qaýymǵa syn bolar edi. «Jaqsynyń jaqsylyǵyn aıt, nury tasysyn!» demekshi. Qazaqstannyń zııaly qaýym ókilderi atynan Sizge boıyńyzǵa qýat, qarymdy qadam, uzaq ǵumyr tileıtinimizdi jetkizgimiz keledi.

Qazirgi kezeńde Qazaqstanda adam ómiriniń máni – el tynyshtyǵy, otbasy amandyǵy, jeke bastyń rýhanı damýyna múmkindik jasalyp qana qoımaı, jańa Rýhanı jańǵyrý belesine qadam basyp otyrmyz. Sizdiń árbir bastamańyz ben kózqarastaryńyzdy qoldaý, keleshek úshin aıanbaı eńbek etý jáne súbeli úles qosý – bizdiń mindetimiz!

Izgi nıetpen,
Qazaqstan Respýblıkasynyń zııa­ly qaýym ókilderi atynan:
Q.Sartqojauly, N.Aıtuly, Z.Sa­mashev, J.Beısenbaıuly, Q.Ahmet­ja­nov, Q.Samatuly, T.Jurtbaı, E.Nur­­pe­ıisov, R.Imanjúsip, A.Qash­qym­baev, V.Salahov, Ǵ.Esim, S.Qasymov