Atap aıtqanda is-sapar sheńberinde AQSh Energetıka mınıstri R. Perrımen, AQSh memlekettik hatshysynyń energetıkalyq resýrstar boıynsha kómekshisiniń orynbasary Dj.MakKarrıkpen, «Shevron» kompanııasynyń Eýropa, Eýrazııa jáne Taıaý Shyǵys boıynsha prezıdenti T.Levınmen, «Greıs» kompanııasynyń vıse-prezıdenti K. Koýlmen, «Parker Drıllıng» burǵylaý kompanııasynyń prezıdenti B. Kollınspen jáne basqa da atom men munaı-gaz salalaryndaǵy iri amerıkalyq kompanııalardyń basshylarymen kezdesýler ótti.
Budan basqa, amerıkalyq-qazaqstandyq iskerlik qaýymdastyqpen kezdesý uıymdastyryldy. Onda Qaýymdastyqtyń prezıdenti Ý. Kortnı, Memlekettik hatshynyń Ońtústik jáne Ortalyq Azııa boıynsha kómekshisiniń orynbasary G. Ensher, amerıkalyq kompanııalardyń basshylary sóz sóıledi.
Atalǵan is-sharanyń aıasynda energetıka salasyndaǵy belgili sarapshy D. Ergınmen kezdesý ótti. Kezdesý barysynda 2018 jyldyń naýryz aıynda Hıýston qalasynda ótetin «CERAWEEK» Halyqaralyq munaı-gaz konferensııasyna qazaqstandyq taraptyń qatysý yqtımaldylyǵy talqylandy.
Jalpy, qazaqstandyq delegasııanyń AQSh-qa issapary ekijaqty saıası-ekonomıkalyq yntymaqtastyqtyń asa mańyzdy salasynda Memleket basshysynyń aldaǵy AQSh-qa issaparyn mazmundy tolyqtyrý múmkindigin qarastyrdy.
