30 sekýnd
Álemdegi eń qysqa pesa ırlandııalyq dramatýrg, Nobel syılyǵynyń laýreaty Semıýel Bekkettiń qalamyna tıesili («Dem», 1969). «Dem» pesasy Kennet Taınannyń «O, Kalkýtta» atty teatr shoýyna arnap jazylǵan bolatyn. Dúnıe esigin endi ashqan sábıdiń alǵashqy demi men ómirmen qoshtasqan qarttyń sońǵy deminen turatyn pesanyń uzaqtyǵy 30 sekýnd qana.
26 saǵat 30 mınýt
Brıtanııalyq dramatýrg Djon Ardenniń «Konnolıdiń damylsyz shoýy» pesasy 1975 jyly Dýblınde sahnalanǵan. Pesasynyń uzaqtyǵy 26 saǵat 30 mınýt. Djon Ardenniń shyǵarmashylyq ǵumyrynda jańa kezeńniń basy bolyp esepteletin bul pesasy aǵylshyn dramatýrgııasyndaǵy saıası-áleýmettik dramanyń negizin qalaǵan.
Repertýarda – 49 jyl
Agatı Krıstıdiń «Tuzaq» qoıylymy 1952 jyly 25 qarashada alǵash ret qoıylyp, 2001 jyldyń 23 sáýirine deıin repertýardan túspegen. Londondaǵy qasıetti Martın teatrynda 126 ret sahnalanǵan pesany 49 jylda 10 mıllıonnan astam kórermen tamashalap, 33,3 mıllıon dollar tabys ákelipti.
