Onyń aıtýynsha, ortalyq ruqsat qujattaryn rásimdeý aıasynda aǵymdaǵy jyldyń 11 aı kóleminde kásipkerlerge 3 myńǵa jýyq ruqsat qujat alynýyna kómek kórsetilgen.
«Bul baǵytta jyldyq ındıkator 2500 qyzmet bolyp bekitilse, jospar 105 paıyzǵa oryndalyp otyr. Bıyl kásipkerlik negizderi kýrsyn aıaqtaǵan 705 kásipker 2,5 mlrd. teńge kóleminde qarjy alyp, óz bıznesterin damytýǵa kirisken. Qalǵan oqýdan ótken tyńdaýshylyr qujattaryn qarjy ınstıtýttaryna tapsyryp, qarjylandyrýdy kútýde», - dedi Ǵanı Áripuly.
Aıta ketetini, qarjylandyrylǵan jobalar negizinen mal sharýashylyǵy, eginshilik pen óndiris jáne qyzmet kórsetý salalaryna baǵyttalǵan.
Budan bólek, quny 1 mlrd. teńgeden astam somaǵa 47 aýyl sharýashylyq óndiristik kooperatıvterine jáne 196 kooperatıv múshelerine 240-qa jýyq bıznes jospar ázirlengen. Nátıjesinde 47 kooperatıv pen 88 kooperatıv músheleri jalpy somasy 891 mln. teńgege qarjylandyrylyp otyr.
Qazirgi tańda «ONTUSTIK» Kásipkerlerge qyzmet kórsetý ortalyǵy kórsetetin qyzmet túrlerin kezeń-kezeńimen sıfrlyq formatqa kóshirý ústinde. Atap aıtqanda, búginde keńes berý qyzmeti testtik júıede onlaın túrinde iske asyp keledi. 2018 jyldan bastap birqatar qyzmetterdi onlaın rejımine ótkizý josparlanýda.
Ortalyq qyzmet kórsetý júıesin budan ári ońtaılandyryp, jetildire túsý úshin utymdy jobalar men tıimdi tehnologııalardy engizý jumystaryn jandandyra túspek.
