Zań jobasy baǵalaý qyzmetiniń ózin-ózi retteý júıesin odan ári jetildirýge, sondaı-aq áleýmettik-ekonomıkalyq prosesterge baǵalaý qyzmetiniń tolyqqandy qosylýyn qamtamasyz etetin normatıvtik quqyqtyq bazany jetildirýge baǵyttalǵan.
Qujatta baǵalaý qyzmetimen kásibı túrde aınalysatyn adamdardyń baǵalaýshylar palatalarynda mindetti túrde múshe bolýy kózdelip otyr. Sany keminde úsh júz músheni quraıtyn baǵalaýshylar palatalarynda óz músheleriniń baǵalaý qyzmetiniń sapasy baqylanady, baǵalaýshylardyń quqyqtary men zańdy múddeleri qorǵalatyn bolady.
Zań jobasynda baǵalaýshylar palatalary «baǵalaýshy», «sarapshy» biliktiligin berý týraly kýálikter, baǵalaýshylar men sarapshylardyń biliktiligin arttyrý jáne qaıta daıarlaý kýrstarynan ótkeni týraly sertıfıkattar beriletini týraly erejeler bar. Odan basqa, baǵalaý qyzmetiniń standarttary belgilenetin bolady.
Senatorlar «Qazaqstan Respýblıkasynyń keıbir zańnamalyq aktilerine baǵalaý qyzmeti máseleleri boıynsha ózgerister men tolyqtyrýlar engizý týraly» zań jobasyn birinshi oqylymda qarady.
Túzetýler Azamattyq, Eńbek, Ákimshilik quqyq buzýshylyqtar týraly kodeksterge, sondaı-aq «Jyljymaıtyn múlik ıpotekasy týraly», «Saqtandyrý qyzmeti týraly», «Aksıonerlik qoǵamdar týraly», «Kólik quraldary ıeleriniń azamattyq-quqyqtyu jaýapkershiligin mindetti saqtandyrý týraly», «Týroperatordyń jáne týragenttiń azamattyq-quqyqtyq jaýapkershiligin mindetti saqtandyrý týraly», «О́simdik sharýashylyǵyndaǵy mindetti saqtandyrý týraly» jáne «Memlekettik múlik týraly» zańdarǵa engiziletin boldy.
Otyrystyń kún tártibine «Jábirlenýshilerge zııandy óteý qory týraly» zań jobasyn talqylaý da endi.
Bul qujat qylmystyq quqyq buzýshylyqtardan zardap shekken jábirlenýshilerge ótemaqy tóleý jónindegi quqyqtyq, áleýmettik jáne uıymdastyrýshylyq negizderdi retteıdi.
Zań jobasy zań jobasy jábirlenýshiler quqyqtaryn qorǵaý tetikterin qalyptastyrý, olarǵa jáne olardyń zańdy ókilderine qarjy kómegin berý úshin, sondaı-aq Jábirlenýshilerge zııandy óteý qorynda quqyqtyq, uıymdastyrý, qarjylyq, ákimshilik-bólý resýrstaryn jınaqtaý arqyly qarjylandyrý jáne qarjy tóleý tártibin júıeleý týraly jaǵdaı jasaıdy.
Qujat erejeleri qylmystyq quqyq buzýshylyqtardyń jekelegen sanattary boıynsha zardap shekken azamattarǵa jerleý, emdeý, aıyqtyrý jáne basqa da sharalardyń shyǵyndaryna baılanysty materıaldyq aýyrtpalyqtardy azaıtýǵa baǵyttalǵan. Odan basqa, memlekettiń aralasýy arqyly shyǵynnyń ornyn toltyrý ınstıtýtynyń tıimdiligi arta túsedi jáne qylmystyq quqyq buzýshylyqtardy jasaǵan adamdarǵa qarsy memlekettiń keri talap qoıýy yntalandyrylady.
«Qazaqstan Respýblıkasynyń keıbir zańnamalyq aktilerine Jábirlenýshilerge zııandy óteý qory qyzmetiniń máseleleri boıynsha ózgerister men tolyqtyrýlar engizý týraly» zań jobasymen Bıýdjet, Qylmystyq, Qylmystyq-prosestik, Qylmystyq-atqarý kodeksterine, sondaı-aq «Qazaqstan Respýblıkasynyń keıbir zańnamalyq aktilerine qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý týraly» zańǵa túzetýler engiziledi.
Zań jobalary Palatanyń qaraýyna jiberildi.
