Bıyl 31 jeltoqsanda saǵat 21:00-den 03:00-ge deıin qazaqstandyq estrada juldyzdary EKSPO muz qalashyǵynda, sondaı-aq qalalyq ákimdiktiń janyndaǵy alańda ashyq aspan astynda barshaǵa kóterińki kóńil kúı syılaıdy.
Kópshilikke Dosymjan Tańatarov, Marjan Arapbaeva, aǵaıyndy Júginisovter, Dos, Kúláıym Qaıyrbaeva, Albına Oganesıan, «ART Dombyra» trıosy shoý-baǵdarlama men konsert ázirledi. Munymen qosa, «Qyzyl órik» jáne «Marııa Magdalena» hıtterin oryndaýshylar - Aqylbek Jemeneı men Ashat Tarǵynov ta jańajyldyq túndi elorda turǵyndarymen jáne qonaqtarymen ótkizedi.
Jańa jyl túni sharaǵa qatysýshylar merekelik otshashý tamashalaıdy. 2018 jyldy qarsy alýǵa oraılastyrylǵan salıýt elordanyń úsh aýdanynda atylady. Bul - EKSPO aýmaǵy, Esildiń jaǵalaýy jáne Pýshkın kóshesi men Abylaı han dańǵylynyń boıynda.
