«Qarly-borandy sıklon Sibirge aýysty. Aldaǵy kúnderi sýyq aýa aǵyndary Qazaqstannyń shyǵysynda qar jaýyp, boran soǵýyna sebep bolady. Respýblıka aýmaǵynda qaıtadan antısıklon ornaıdy, ol Jańa jyl merekesi kúnderi Qazaqstannyń basym bóligindegi aýa raıynyń qandaı bolatynyn belgileıdi. Negizinen aspan ashyq bolady», - delingen habarlamada.
Ońtústik jáne ortalyq oblystarda shyǵystan soqqan jel kúsheıip, onyń jyldamdyǵy keıbir jerlerde 15-20 m/s-qa, ekpini 25 m/s-qa jetedi. Kórý múmkindigi 800 metrge deıin ǵana jetedi, ońtústik óńirlerdegi taý asýlarynda odan da nashar bolýy múmkin. Aýa temperatýrasy klımattyq normadan joǵary kúıinde qala bermek, tek shyǵysta normaǵa jýyqtaı túsedi.
30 jeltoqsanda Soltústik Qazaqstan oblysyndaǵy joldarda kóktaıǵaq bolýy múmkin.
