Munda jumys babymen bolǵan oblys ákimi Qumar Aqsaqalov balalarmen tildesip, ıppoterapııanyń paıdaly tustaryn aıtqan bolatyn. Áńgime barysynda múgedek búldirshinder atqa miný qıynǵa soǵatynyn, ponı satyp áperýdi ótingen edi.
Jańa jyl qarsańynda balaqaılardyń tilegi oryndaldy. Kýrstyń qatysýshylary eki birdeı ponıǵa ıe boldy. Endi ıppoterapııa kýrsy odan ári paıdasyn tıgizip, sonymen qatar serýendeıtin de bolady. Ponıǵa alǵashqylardyń qatarynda ınternat tárbıelenýshisi Sandýǵash Moldabaeva mindi. Ol em-dom kýrsyna 2014 jyldan kelip júr.
«Maǵan atpen serýendegen óte unaıdy. Búgin ponıǵa minip kórdim, maǵan unady»», - deıdi Sandýǵash.
Munda ıppoterapııa kýrsyna tirek-qımyl apparaty zaqymdanǵan balalarǵa arnalǵan ınternattyń tárbılelenýshileri jáne ata-ana qamqorynsyz qalǵan balalar da jattyǵa alady.
О́mir Esqalı,
«Egemen Qazaqstan».
Soltústik Qazaqstan oblysy
