Qurmetti otandastar!
Qazaqstan halqy Assambleıasy sizderdi Jańa 2018 jylmen quttyqtaıdy!
О́tken jyl elimizdiń shejiresindegi mańyzdy beles, jetistikter men tarıhı reformalar jyly boldy.
Ulttyq birlik pen kelisimniń arqasynda bolashaq energııasyna arnalǵan halyqaralyq mamandandyrylǵan EKSPO-2017 kórmesi men Ýnıversıada sátti ári joǵary deńgeıde ótkizildi.
Álemniń básekege eń qabiletti otyz eliniń ishinde Qazaqstannyń laıyqty oryn alýyn qamtamasyz etýge baǵyttalǵan konstıtýsııalyq reforma, Qazaqstandy úshinshi jańǵyrtý jáne «Rýhanı jańǵyrý» baǵdarlamalary iske asyrylýda.
2017 jyl elge jańa esimderdi tanytqan jyl boldy. Dımash Qudaıbergen, Dınara Sádýaqasova, Denıs Ten, Danelııa Tóleshovanyń erekshe talanttary jerlesterimizdi halyqaralyq deńgeıde tanymal etti, al «Qazaqstannyń 100 jańa esimi» jobasynyń iske asyrylýy óskeleń urpaq úshin Táýelsizdik jyldaryndaǵy eren eńbektiń arqasynda qol jetkizilgen biregeı tabystar mysalyn ashyp kórsetti.
Qymbatty baýyrlar!
2018 jyl ıdeıalar men jetistikterge toly jyl bolsyn, ekonomıkalyq jáne áleýmettik ósýimizdiń, árqaısymyzdyń úılesimdi damýymyzdyń jańa perspektıvalary taǵy da ashyla bersin.
Sizderdiń osy jylǵa arnalǵan josparlaryńyz júzege asyp, árbir bastamańyzǵa sáttilik serik bolsyn.
Sizderge zor densaýlyq pen mol ıgilik tilep, barsha úmitterińizdiń aqtalýyna tilek qosamyz. Otbasyndaǵy shýaq pen jaqyndarymyzdyń súıispenshiligi men qamqorlyǵy barshanyń janyn jylytsyn.
Jańa jyldaryńyzben!
Qazaqstan halqy Assambleıasynyń Keńesi
