Aımaqtar • 01 Qańtar, 2018

О́skemende joldardy qardan arshý úshin 16 jańa tehnıka satyp alyndy

370 ret

kórsetildi

1 mın

oqý úshin

Byltyrǵy qys óskemendikter úshin qatqyldaý tıip, kósheler men jol boıyndaǵy qar ýaqtyly tazalanbaı qala basshylyǵyna turǵyndar tarapynan syn-eskertpeler kóp aıtylǵan edi. «Qys shanańdy jaz saıla» degendeı, bıyl osyndaı olqylyqqa jol bermes úshin shahar bıligi «kári qudany» kútip alýǵa erte bastan qamdanypty. Osy maqsatta Germanııadan turǵyn úı-kommýnaldyq sharýashylyǵy men jol qurylysy salasynyń sarapshysy Ervın Fleısherdi arnaıy shaqyryp, aqyl-keńesin tyńdapty.

Egemen Qazaqstan

О́skemende joldardy qardan arshý úshin 16 jańa tehnıka satyp alyndy

«Nemis mamany tehnıkalar sanyn kóbeıtý qajettigin aıtty. Onyń usynys-pikirlerin eskerip, «Foton» dep atalatyn kópfýnksııaly 10 jańa mashına satyp aldyq. Bul tehnıkany qysta da, jazda da jol tazalaýǵa paıdalanýǵa bolady. Sonymen qatar avtoparkimiz 4 greıdermen jáne 2 shnekorotermen tolyqty. О́tken jyly greıderler jol ústindegi muzdy tazalaı almaǵandyqtan fındik muz tazalaǵysh (ledokol) tehnıka satyp aldyq. Alaıda qalada byltyrǵydaı qalyń qar men siresken muzdyń joqtyǵynan bul tehnıkalardy áli paıdalana almaı otyrmyz. Ázirge qańtarylyp tur», - deıdi О́skemen qalasynyń ákimi Qýat Tumabaev.

Nemis sarapshysy bizdegi kóbine ashyq-shashyq jatatyn kanalızasııalyq lıýktardyń ornalasýyna qatysty da óz oıyn bildiripti. Almandyq maman munyń kólik júrgizýshilerine qolaısyz ekendigin aıtyp, Eýropa men AQSh-taǵydaı jaıaý júrginshiler jolyna ornalasqany durys depti.

Azamat QASYM,

«Egemen Qazaqstan»

О́SKEMEN