2018 jylǵy 1 qańtarda Qazaqstan Respýblıkasy men Cheh Respýblıkasy arasyndaǵy dıplomatııalyq qarym-qatynastar ornaýynyń 25 jyldyǵyn atap ótemiz.
О́tken shırek ǵasyr aralyǵynda barlyq salalardaǵy yntymaqtastyq senim men úzdiksiz damý deńgeıinde jáne ekijaqty ózara is-qımyl aýqymynda ótti. Senimdi saıası dıalog ornatyldy, ózara saýda kólemi birneshe ese ulǵaıdy, qarym-qatynastardyń sharttyq-quqyqtyq bazasy keńeıtildi, mádenı-gýmanıtarlyq jáne bilim berýmen almasý ósip keledi.
Eki jaqty qarym-qatynastar damýynyń basty kezeńderine 2004 jyly Cheh Respýblıkasynyń Prezıdenti Vaslav Klaýstyń Qazaqstanǵa, 2012 jyly Qazaqstan Respýblıkasynyń Prezıdenti N.Nazarbaevtyń Cheh Respýblıkasyna, 2014 jyly Cheh Respýblıkasynyń Prezıdenti Mılosh Zemannyń Qazaqstanǵa resmı saparlary jáne 2017 jyly Cheh kóshbasshysy M.Zemannyń Astanadaǵy EKSPO-2017 halyqaralyq mamandandyrylǵan kórmesiniń ashylý saltanatyna qatysý maqsatynda Qazaqstanǵa jumys sapary kiredi.
Eki el arasynda parlamentaralyq dostyq tobynyń qyzmetine negizdele otyryp joǵary zań shyǵarýshy organdar deńgeıinde belsendi yntymaqtastyq ornatyldy. Chehııa Parlamenti Eýropalyq Odaq elderiniń arasynda 2016 jyly 15 qyrkúıekte QR men EO arasyndaǵy keńeıtilgen áriptestik jáne yntymaqtastyq týraly kelisimdi ratıfıkasııalaǵan alǵashqy elderdiń biri.
Energetıka, mashına jasaý, aýyl sharýashylyǵy, logıstıka, bilim jáne týrızm kiretin ekonomıkalyq ózara is-qımyldyń asa basym salalary aıqyndalǵan jáne josparly ıgerilýde.
Osy baǵyttaǵy jumystyń ilgerileýiniń basty mehanızmi 2005 jyly qurylǵan ekonomıkalyq, ónerkásiptik jáne ǵylymı-tehnıkalyq yntymaqtastyq jónindegi Úkimetaralyq komıssııa bolyp tabylady. 2009 jyly Chehııanyń Qazaqstandy saýda-ekonomıkalyq 12 basym áriptesteriniń tizimine engizýiniń arqasynda saýda jáne ınvestısııa salasyndaǵy múmkindikter edáýir keńeıtildi.
Eki el arasynda ózgeshe kópir retinde qazaqstandyq týrısterdiń Chehııaǵa turaqty túrde kelýin atap ótýge bolady. Cheh Respýblıkasynyń joǵary oqý oryndary qazaqstandyq jastar úshin tartylys ortalyǵyna aınaldy. О́z kezeginde cheh azamattary 2017 jylǵy 1 qańtardan bastap Qazaqstanǵa 30 kún ishinde vızasyz kelip ketýge múmkindik aldy.
Qazaqstan Respýblıkasy men Cheh Respýblıkasy BUU, EQYU j2ne basqa uıymdar jelisi boıynsha jahandyq qaýipsizdik pen beıbitshilikti nyǵaıtýǵa óz úlesin qosýǵa umtyla otyryp, halyqaralyq arenada syndarly ózara is-qımyldy júzege asyrady.
Qazaqstan Cheh Respýblıkasymen odan ári dostyq pen senim qatynastaryn jan-jaqty damytýǵa jáne nyǵaıtýǵa baǵdarlanǵan syrtqy saıası baǵytyn jalǵastyrýdy nıet etip otyr.
Sonymen qatar, 2018 jylǵy 1 qańtarda Qazaqstan Respýblıkasy men Slovak Respýblıkasy dıplomatııalyq qarym-qatynastar ornaýynyń 25 jyldyǵyn atap ótedi.
Dostyq pen áriptestiktiń shırek ǵasyry ishinde eki el arasynda senimdi saıası dıalog ornatylyp, saýda-ekonomıkalyq jáne mádenı-gýmanıtarlyq yntymaqtastyqty damytý úshin qolaıly jaǵdaılar jasaldy, shart-quqyqtyq baza keńeıtildi.
Slovak Respýblıkasynyń Prezıdenti R.Shýsterdiń 2001 jylǵy qarashada Qazaqstanǵa jasaǵan birinshi resmı sapary ekijaqty yntymaqtastyqty keńeıtýdi mańyzdy kezeńi boldy. Atalǵan sapar barysynda eki el arasyndaǵy ózara qarym-qatynas negizderi týraly Deklarasııaǵa qol qoıyldy.
Qazaqstan Respýblıkasynyń Prezıdenti N.Nazarbaevtyń 2007 jylǵy qarashada Slovakııaǵa jasaǵan resmı sapary jáne Slovak Respýblıkasynyń Prezıdenti I.Gashparovıchtyń 2010 jylǵy naýryzda Qazaqstanǵa jasaǵan resmı sapary, sondaı-aq onyń 2010 jeltoqsanda EQYU sammıtine qatysý úshin Qazaqstanǵa jasaǵan jumys sapary yntymaqtastyqty nyǵaıtýǵa eleýli serpin berdi.
Parlamenttik dıplomatııa ekijaqty ózara is-qımyldy nyǵaıtýǵa mańyzdy úles qosýda. Eki eldiń joǵarǵy zań shyǵarýshy organdarynda dostyq parlamenttik toptar qurylǵan. Depýtattar arasynda turaqty túrde sapar almasýlar júzege asady. Slovakııa Parlamenti Eýropalyq Odaqtyń elderi ishinde alǵashqy elderdiń biri bolyp, QR men EO arasyndaǵy Keńeıtilgen áriptestik pen yntymaqtastyq týraly kelisimdi ratıfıkasııalady.
Saıası dıalogty odan ári kúsheıtýge mańyzdy úlesin Slovak Respýblıkasynyń Syrtqy jáne eýropalyq ister mınıstri M.Laıchaktyń 2016 jylǵy qarashada Qazaqstanǵa jasaǵan resmı sapary qosty. Sondaı-aq syrtqy saıası vedomstvolar basshylarynyń turaqty kezdesýi men SIMaralyq konsýltasııalardyń ótkizilýi ekijaqty yntymaqtastyqty ilgeriletýdiń tıimdi tetigi boldy.
Saýda-ekonomıkalyq saladaǵy qarym-qatynastar dáıekti jáne údemeli túrde damyp keledi. Energetıka, mashına jasaý, elektrotehnıka, aýyl sharýashylyǵy, farmasevtıka, kóliktik ınfraqurylymdy damytý, bilim jáne týrızm salalary ekonomıkalyq ózara is-qımyldyń perspektıvalyq baǵyttary bolyp tabylady. Eki eldiń isker toptarynyń jaqyndasýyn ilgeriletýde Ekonomıkalyq jáne ǵylymı-tehnıkalyq yntymaqtastyq jónindegi úkimetaralyq komıssııasynyń róli zor, búginge onyń 6 otyrysy ótti.
Qazaqstan men Slovakııa negizgi halyqaralyq máseleler boıynsha uqsas ustanymdardy qabyldaıdy jáne BUU, EQYU men basqa halyqaralyq uıymdar aıasynda jahandy qaýipsizdik pen beıbitshilikti nyǵaıtýǵa óz úlesterin qosý úshin halyqaralyq arenada syndarly ózara is-qımyldy júzege asyrady.
QR azamattary úshin EO tarapynan vızalyq tártipti jeńildetý máselesi boıynsha Slovakııa resmı túrde Qazaqstanǵa qoldaý kórsetip otyr. О́z kezeginde, 2017 j. 1 qańtardan bastap slovak azamattaryna Qazaqstanda 30 kún boıy vızasyz bolý múmkindigi berildi.
Qazaqstan men Slovakııa eki el halyqtarynyń ıgiligi úshin aldaǵy ýaqytta ekijaqty qarym-qatynastardy jan-jaqty nyǵaıtýǵa jáne damytýǵa baǵdarlanǵan syrtqy saıası baǵytty odan ári jalǵastyrýǵa nıetti.
