Kún saıyn alada 74 náreste dúnıege keledi. Aǵymdaǵy jyldyń 10 aıynda Astanada 23 830 bala dúnıege keldi, ol ótken jyldan 922 balaǵa artyq.
Sondaı-aq negizgi medısınalyq-demografııalyq kórsetkishterdiń jetistigi bar. О́mir súrý sapasy men medısınalyq qyzmettiń jaqsarýymen birge, astanalyqtardyń ómir súrý jasy jyl saıyn ulǵaıyp keledi. О́tken jyldyń qorytyndysy boıynsha ol - 75,4 jasty qurady.
Tutas alǵanda densaýlyq saqtaý salasy kún saıyn áleýetin kúsheıtip keledi: jańa medısınalyq uıymdar salynyp, qoldanystaǵylary jańartýdan ótkizilip jatyr. 2015-2016 jyldary qalada birqatar jańa nysandar: qalalyq jedel-járdem stansasy, balalar ınfeksııalyq aýrýhanasy, narkologııa jáne psıhoterapııa ortalyǵy, №12 qalalyq emhana salyndy. Bulardyń barlyǵy zamanaýı medısınalyq qural-jabdyqtarmen qamtylǵan.
