SANDYQ JÚIE SAPANY JAQSARTADY

Adamzat qııalynyń nátıjesi men ony únemi jetildirýdiń arqasynda beınetten arylǵanymyz shyndyq. О́mir súrýdi ońaılatý arqyly kúndelikti tirshilikti uıaly baılanyssyz, ǵalamtorsyz elestete almaıtyn boldyq. Endi el kórermenderiniń aldynda sandyq telehabar taratý, atap aıtsaq, respýblıkalyq telearnalarda shyǵatyn baǵdarlamalardy bir pakette kórý múmkindigi tur.  Osy oraıda biz RJS taǵaıyndaý jáne baılanys salasyn memlekettik baqylaý bóliminiń bas mamany Gúlnar BО́KEEVA hanymdy áńgimege tartqan edik. – Gúlnar hanym, radıo baılanysy men sandyq habar taratýda perspektıvaly tehnologııalar engizý qalaı júzege aspaq? – El aýmaǵynda sandyq habar taratý júıe­sin engizý Elbasynyń tikeleı tapsyrmasy bo­ıyn­sha júzege asyp otyr. Tapsyrma Aq­parat­tan­dyrý jáne baılanys agenttigine júkteldi. Bola­shaqta, atap aıtsaq 2015 jylǵa deıin eli­mizdiń baılanys salasyn sandyq habar taratý je­lisine tolyqtaı kóshirý josparlanǵan. Jú­ıeni qoldaný kezinde bir jıilikti arnada bir­neshe baǵdarlama taratý múmkindigi paıda bo­lady. Sondaı-aq, onyń damýy barysynda bir­neshe jańa qyzmet túr­leri paıda bolmaq. My­saly, jyljymaly telehabar taratý, joǵary sa­paly teledıdar jáne málimet berý júıesine qosylý júzege aspaq. Radıo baılanysy men sandyq habar tara­tý­da perspektıvaly tehnologııanyń el ómirine enýi jaqsy jańalyq. О́ıtkeni elimizdiń zaman kó­shine ilesip, álemde tehnologııa barynsha damyp turǵan kezde ony qoldaný jáne ıgiligin kórýi kerektigi aıdaı anyq nárse. Sandyq habar ta­ratý júıesin engizý jumysyn agenttik bir­neshe kezeńde júzege asyrýdy josparlap otyr. Alǵashqy kezeńde 2010-2011 jyldary sandyq habar taratý júıesin engizý kezinde eýropalyq ha­bar taratý DVB jáne aýdıo jáne beıne sıg­nal­daryn qysý úshin MPEG-4 standarttaryn qol­dana otyryp, sandyq habar taratý júıesiniń aý­maqtyq jıilik jospary jasalmaq. Sonymen qatar, osy aýmaqtyq jıilik josparyna súıene oty­ryp, sandyq habar taratý jelisi qury­ly­synyń júıelik jobasy jasalatyn bolady. Ekin­shi kezeń 2011-2012 jyldar ara­ly­ǵyn qamtymaq. Bul kezeńde sandyq ha­bar taratý jelisin tájirıbege engizý úshin qanatqaqty óńir­ler belgilenbek. Onyń qaı deńgeıde bola­tyn­­dyǵy ázirge belgisiz. Al 3-kezeń, ıaǵnı 2012 jyly sandyq habar taratý je­li­siniń qurylysy bas­talady. Qurylys 2015 jy­ly aıaqtalyp, elimiz sandyq habar taratý jelisine tolyq kóshedi degen oıdamyz. Josparly jumysty júrgizýdi bastamas bu­ryn aldymyzda standart tańdaý maqsaty tur. Se­bebi 2006 jyly Jeneva qalasynda ótken aý­maqtyq konferensııada Jeneva-06 kelisim-shar­tyna qol qoıǵan elder sandyq habar taratý jú­ıesin eýropalyq DVB-T standartynda engizip, bir­neshe jyldar boıy jumys jasap keldi. Kór­shiles TMD elderi de óz jumystaryn osy stan­dartta bastaǵan bolatyn. Biraq búgingi kúni bul standarttyń ja­ńa­lanǵan túri DVB-T2 standarty qol­danylýda. Bul standartty 2010 jyly Uly­brıtanııa engizýdi jos­parlap otyr. Agenttik al­dyndaǵy negizgi maq­sat – el aýmaǵyndaǵy sandyq ha­bar taratý jú­ıe­sin engizý úshin osy eki stan­dartt­yń bireýin tań­daý. Standart tańdalǵannan keıin aýmaqtyq jıi­lik jospar jasalyp, ári qaraı san­dyq habar ta­ra­tý jelisi qurylysynyń jobasy jasalady. Qa­zirgi ýaqytta agenttikte uıym­das­tyrý jumystary júrip jatyr. Standartqa saı qural-jab­dyq­tardy qaı elden satyp alý, ıaǵnı barlyq teh­nıkalyq jabdyqtaý máseleleri py­syq­talý ús­tinde. Ony elimizge engizý barysynda óz ma­man­darymyz ju­myldyrylmaq. Qajet jaǵdaıda shetel maman­da­ryn shaqyrtyp, óz maman­darymyzdy oqytýymyz múmkin. – Júıeni engizýdiń artyqshylyǵy nede? – Sandyq habar taratý júıesinde be­l­gi­lengen áleýmettik bir paket ishine 10-20 baǵ­­dar­lama syı­ǵy­zýǵa bolady. Ol ár tele­ar­na­lardan tań­dalyp alynýy múmkin. Iаǵnı, kórermen tel­e­ar­nalardy aýdarystyryp jatpaı-aq, reıtıngi joǵary baǵdarlamalardy bir arnadan kóre alady. El kórermenderiniń teledıdarlary bul standartty qabyldaýǵa daıyn emes. Olar sandyq júıede jumys jasaýy úshin qosymsha qural satyp alýy kerek. Bul oraıda aıta ke­tetin jáıt, qosymsha qu­­raldy satyp alý qarjysynyń qaıdan, kimnen shyǵatyndyǵy áli belgisiz. Degenmen sandyq júıe engizilgen Eýropa elderinde halyqtyń áleý­mettik arnaıy toptary, mysaly, zeınetkerler men stý­dent­ter­di bul quralmen qamtamasyz etý qaras­ty­ryl­ǵan. Bizdiń elimiz boıynsha ázirshe bul jó­ninde naqty sheshim qabyldana qoıǵan joq. San­dyq habar taratý júıesiniń qajet­ti­ligi óte jo­ǵary bolǵandyqtan memleket tur­ǵysynan áleý­mettik jaǵdaıy nashar toptarǵa qosymsha qural satyp alý tıimdirek bolmaq. – Elimiz mundaı júıege qanshalyqty daıyn jáne áleýmettik paketke enetin  baǵdarlamany kim tańdamaq? – Elimiz sandyq habar taratý júıesin qa­byl­daýǵa tolyq daıyn. О́ıtkeni aýyldyq jer­diń ózinde, kórermender óz kúshterimen “tarelka” quryp alyp, sheteldik arnalardy tamashalaıtyny belgili. Onyń ornyna Úkimet ár qazaqstandyq arnadan 10-20 baǵdarlamany bir paketke syıǵyzyp, ony áleýmettik paket retinde aqysyz túrde taratatyn bolsa jaqsy emes pe? Ári óz aqparattyq keńistigimizdi da­my­­tatyn bolamyz. Buǵan, ásirese, aýyldyq jerdegiler muqtaj. Olar kóretin arnalar aıasy shekteýli ǵana. Sondyqtan respýblıkalyq 1-2 arnadan basqany kórmeıtin kórermenderge bul úlken olja. Áleýmettik paket setkasyn tol­tyrý Mádenıet jáne aqparat mınıs­tr­liginiń qu­zy­ryna kiredi. Al Aqparattandyrý jáne baı­la­nys agenttigi taza tehnıkalyq turǵydan qam­ta­masyz etetin bolady. – Jańa júıe qyzmet kórsetý qunyna  qanshalyqty áser etedi? – О́tken jyly radıo jıilikter jónindegi vedomstvoaralyq komıssııanyń májilisi bolyp ótti. Májiliste agenttikke 1920-1980/2110-2170 MGs radıo jıiligi aýqymyndaǵy jıilikterdi elimizde uıaly baılanystyń 3G býynyn engizý úshin jetekshi úsh operator “Qazaqtelekom” AQ”, “Kar-Tel” JShS, “Mobaıl-Tele­kom­Ser­vıs” JShS arasynda úlestirý tap­syryl­dy. 3G býyny engizilse jańa qyzmet túr­leri paıda bolady. Mysaly, mobıldi ınternet, mobıldi teledıdar jáne joǵary jyl­damdyqpen málimet berý júıeleri. Sonymen qatar uıaly baılanys jyldamdyǵyn arttyrý sapasy da joǵarylamaq. Osyǵan baılanysty, telekommýnıkasııa júıe­sin­de qyzmet kórsetý aıasy keńeıse, sondaı-aq qyzmet kórsetýshi operatorlar arasynda báse­kelestik paıda bolsa, bunyń barlyǵy sandyq habar taratýdyń, jyldamdyǵy joǵary ın­ter­net qyzmeti qunynyń tómendeýine ákelip soǵady. Al bul qarapaıym tutynýshylar úshin óte tıimdi. Sandyq habar taratý júıesi men joǵary jyldamdyqty ınternettiń engizilýi, radıo­jıiliktiń kóbeıýi bunyń barlyǵy da tuty­ný­shy­lar­dyń múddesi men el damýy úshin istelýde. – Áńgimeńizge rahmet. Áńgimelesken  Venera TÚGELBAI. KÁSIPKER 60 PÁTERLI ÚI SALDY Kezinde respýblıkany basqarǵan D.Qonaev Zaı­sanǵa kelgen saparynda taý bókterinde boı kótergen ásem qalany, kóshelerdegi aryqtarda syldyrlap aǵyp jat­qan sýdy kórip, “Almatynyń maketinen aýmaıdy-aq”, eken dep súısinipti. Shynynda da sońǵy jyldary Zaı­san kóriktene tústi. Kóshelerge asfalt tóselip, tún­de shamdar jarqyrap turady. Sońǵy kezde aýdan or­talyǵynda kóp qabatty turǵyn úıler paıdalanýǵa berile bastady. Jaqynda oblystyq máslıhattyń depýtaty, “Zaısan qurylys” JShS bastyǵy Bolat Nurasyl jańa páter ıelerine  kóp qabatty 60 páterli turǵyn úıdiń sımvoldyq kiltin tabys etti. Jańa úı  ortalyqta ornalasqan. Ishi-syrty ádemi, alystan kóz tartatyn úıge ıe bolamyn deýshiler az emes. Aýdan ákimi Á.Muhtarhanov kásipker azamatqa jurtshylyq atynan alǵys bildirdi. Ońdasyn ELÝBAI,  Shyǵys Qazaqstan oblysy. HALYQARALYQ JOBA JÚZEGE ASYRYLMAQ Aǵymdaǵy jyly elderdi jal­ǵas­tyratyn joba Batys Eýropa-Batys Qy­taı halyqaralyq avto­jo­ly bastaý almaq. Elbasy basta­masymen qolǵa alynǵaly otyrǵan kúrejol qury­lysy­na 10 mlrd. AQSh dollary bólinip atyrǵan kórinedi. Halyqaralyq kólik dálizi Reseıdiń Sankt-Peterbýrginen bas­­taý alyp, Máskeý, Qazan, Orynbor qalalaryn da kókteı ótpek. Al, bizdiń elimizdegi Aqtóbe oblysy men ońtústik aımaqtar arqyly júretin avtojol Almaty qalasynan ótip, Qytaı shekarasyna jetpek. Osy úsh memleketti jalǵasty­ra­tyn jobany úılestirý maqsa­tynda Úkimettiń tapsyrmasy ne­gizinde bes shtab qury­lyp, halyq­aralyq jobany júzege asyrý jumystaryna qulshyna kirisip te ketti. Osyǵan oraı oblys ákimi Bolatbek Qýan­dyqov pen Kólik jáne kommýnı­kasııa vıse-mınıstri Dýlat Kúterbekov­tiń qatysýymen Batys Eýropa–Batys Qytaı halyqaralyq avtojoly jobasyn úıles­tirý shtabynyń májilisi de bolyp ótti. Májilisti aımaq basshysy B.Qýan­dyqov ashyp, aǵymdaǵy jy­ly bastaý alatyn halyqaralyq jobaǵa sáıkes atqarylatyn ju­mys­tar jaıly  baıan etti. Onyń aıtýynsha, 2012 jyly paıdalanýǵa beriletin ha­lyq­aralyq avtoban qurylysyna jergilikti mamandardy tartý maqsatynda “Teh­maman” oqý-óndiristik ortaly­ǵynda osy sala mamandary daıar­la­nýda. Sondaı-aq aımaqtaǵy basqa oqý ortalyqtarynda da qajetti mamandyq ıelerin oqytý qolǵa alynbaq. Oblys aýmaǵynan ótetin 811 shaqyrymdyq kúrejol 15 ýchaskege bólinip, búgingi tańda olardyń 14-inde jumys jasaıtyn merdiger kompanııalar belgilenip, ústimizdegi jyldyń 1 sáýirinde jumystaryn bastamaq. Osy shtab májilisinde Kólik jáne kommýnıkasııa vıse-mı­nıstri D.Kúter­bekov halyqaralyq joba jaıly túsinik­teme berip, kúrejol qurylysyna shetel­derden tek qana joǵary kategorııaly ma­mandar alynatynyn jetkizdi. Onyń aıtýynsha, osy qury­lysqa qatysatyn 18 myńnan astam jumys kúshiniń 75-80 paıyzyn jergilikti mamandar quramaq. Shtab otyrysynda ıtalııalyq “Salini Cost-ruttori S.P.A” kompa­nııasynyń ókili Marko Sarachenı ótken jyldyń sońyn­da oblys ortalyǵynda shetelderde jol salýǵa mamandanǵan joǵarydaǵy kompa­nııanyń fılıaly ashylyp, búginde belgilengen jumystar keste boıynsha júrgizilip jatqandy­ǵynan habardar etti. Ústimizdegi jyly kompanııa óz ýchaske­sindegi kúrejol bóliminiń 100 shaqy­rymyn salýǵa kúsh salmaq. Avtojol qu­ry­lysyna qajetti materıaldy, ıaǵnı qıyrshyq tasty aımaqta óz­deri óndirýge de betburys jasamaq. Osy otyrysta Avtomobıl joldary komıtetiniń tóraǵasy Zamır Sadyquly da jobany júzege asyrýǵa jasalyp jatqan daıyndyq barysy jaıly  egjeı-tegjeıli baıan etti. Májilisti qorytyndylaǵan aımaq basshysy jaýapkershiligi úlken halyq­aralyq jobany júzege asyratyn kom­panııalar jergilikti atqarýshy bılikpen tyǵyz qarym-qatynasta bolyp, jol sapasyn baqylaý jumystaryna basa nazar aýdarýy qajettigin basa aıtty. Erkin ÁBIL, Qyzylorda. ÚNEM MEN PAIDA — BASTY MAQSAT “Jambyl elektr jelileri” AQ ortasha eseppen kúndigine qala turǵyndaryna 54-56 MVt. elektr qýatyn tasymaldap otyr. Munda elektr kózin únemdeý boıynsha jańa tehnologııalar ornatylǵan. Kásiporyn “Tarazenergoortalyq” AQ-tan kúnine 30 MVt. elektr qýatyn alsa, onyń 12 MVt-yn qala turǵyndary men kásiporyndary tutynady. Kásiporyndaǵy jańalyqtyń biri – oblys turǵyndaryna elektr energııasyn únemdeý boıynsha qyzmet kórsetetin bir ortalyqtan basqarý operatorlyq zalynyń iske qosylýy bolyp tabylady. Iаǵnı, energııa qýatyn esepteý quraly kásiporyn esebinen ornatylyp, ár núkte boıynsha kúndik tutyný kólemi anyqtalady. Munyń barlyǵy kompıýterlik júıe arqyly júrgizilmekshi. Búgingi kúni jańa júıemen iske qosylǵan Shý qalasyndaǵy – 8, Taraz qalasyndaǵy 3 núktedegi únemdeý-esepteý ortalyǵy jumys istep tur. Aqpan aıynyń basynda on myń esepteý quraldary aýystyrylmaqshy. Sóıtip, on eki aıdyń ishinde Taraz qalasyndaǵy jeke turǵyndardyń eseptegishteri aýystyrylady. Bul tehnologııa búginge deıin Reseı men Belarýs memleketterinde ǵana qoldanylyp kelipti. Degenmen, “Jambyl elektr jelileri” AQ-tyń jabdyqtary sonaý 1973 jyldary satylyp alynǵandyqtan, olardy jańartý qajettiligi sezilýde. Oblys ákimi Qanat Bozymbaev kásiporyn basshylyǵy tıimdi jobalarmen usynysqa shyǵatyn bolsa, kómektesetindigin aıtyp otyr. Kósemáli SÁTTIBAIULY, Jambyl oblysy. BILIMDI TÁJIRIBEMEN UShTASTYRǴAN Naryqtyq qatynastyń alǵashqy jyldarynda sharýashylyqtar tara­­tylyp, aýyl sharýashylyǵy maman­daryna degen suranys tómendegeni esimizde. Ekonomıka damyp, sala jańa bıikterge kóterilgen  búgingi kúni atalǵan mamandarǵa degen suranys kúrt ósip, óndiriske agronom, zootehnık, mal dárigerleri, ınjenerler qajettigi ashyq sezilýde. Osy oraıda  Kóksý aýdany Jam­byl aýylynda Kóksý aýylsharýa­shylyq kolledji suranysqa qajetti kadr daıyndaýǵa den qoısa, oqý orny janynan jylyjaı salynyp, paıdalanýǵa berilgeni de stýdent­terge jasalǵan jaqsy jaǵdaı retinde baǵalanǵan. Qurylym qurylysyna qarjy­laı kómekti “Jetisý” áleýmettik kásipkerlik korporasııasy usynyp, aýmaǵy eki sotyq jylyjaıdyń topyraǵy óńdelip, qosymsha mıne­raldy tyńaıtqyshtarmen baıyty­lyp, aptasyna 70 kılo ónim alyný­da. Aldaǵy ýaqytta taǵy bir jyly­jaı qurylysyn  bitirý úshin iske qosý jumystary jedel júrgizilýde. Kolledj stýdentteri eńbek etip, jyldyń tórt mezgilinde tutynýshy kókónis, jemis-jıdekten taryqpaı­tyndaı eńbekke jumylǵan. Sony­men qatar olar kókóniske degen ba­ǵany turaqty ustaýǵa nazar aýdardy. Atalǵan jylyjaı oqý ornynyń bilimgerlerine is-tájirıbe alańy retinde salynǵandyqtan oqýdan qo­ly bos kezderinde osyndaǵy ónim sa­pasyna ózindik úlesterin qosyp ke­ledi. Sonymen qatar aldaǵy ýaqytta  azyq-túlik qoryn tolyqty­rý men baý-baqsha ónimderiniń baǵasyn arzandatýǵa da múmkindik jasalýda. Atalǵan jylyjaı­dyń qurylysyna “Jetisý” ÁKK 90 mln. teńge qarjy jumsap, topyraq­ty óńdeý men tyńaıtqyshpen ústep qorektendirýge de erekshe nazar aýdarǵan. Nátıjesinde jyl on eki aı úzdiksiz kókónis ósirip, oqý orny stýdentterimen birge tutynýshy­lardy dárýmenderge baı, taza das­tar­han mázirimen qamtýǵa kóńil bólingen. Kóksý aýylsharýashylyq kolled­jiniń dırektory Málik Qarasaev  “Jetisý” ÁKK-men birlesip, jaqsy isti qolǵa alǵanyn jetkizdi. Bilim shańyraǵynda stýdentterdiń tııa­naqty bilim alýyna jabdyqtalǵan kabınetter, ádebıetter jetkilikti. Al, alǵan bilimderin óndirispen baı­lanystyratyn orynnyń tapshy­lyǵy alańdatsa, bul da sheshilgen­deı. Korporasııanyń qoldaýymen tájirıbelik alańǵa qol jetkizip, búginde stýdentter óz qoldarymen otyrǵyzylǵan baý-baqsha ónimderin kútip, alǵashqy ónimin jınap, ıgiligin kórip otyr. Tájirıbe retinde tuqymy gol­lan­dııalyq qııar ósirilip, odan mol ónim alý úshin kóshetteri tabıǵı tyńaıt­qyshtarmen baıytylǵan. Otyrǵyzyl­ǵan kóshettiń bir túbinen orta eseppen 5 kılo ónim alynǵan. Baqshada ızraıldik tamshylata sýarý ádisi qoldanylyp keledi. Bul sýdy tıimdi paıdalanýǵa múmkindik berýde ári alynǵan ónim ekologııalyq ja­ǵy­nan taza. Jylyjaıdan jınalǵan ónimdi kolledj ashanasy tutynyp, stýdent­ter óz eńbekteriniń qaıta­rymyna qol jetkizgeniniń ózi bir ǵanıbet. Olar aldaǵy kezde qalǵan ónimdi jergilikti saýda oryndary arqyly tutynýshy ıgiligine jaratý­dy kózdep otyr. Jylyjaıda qarbalas eńbek. Jelisi kókke órlegen kókónis túıin salyp, gúldep jatsa, bir jaǵynan ónim jınalýda. Qazir 70- ke tarta stý­dent teorııalyq bilimderin táji­rıbemen ushtastyryp, óz qoldary­men ósirilgen óskinderdi agroteh­nıkalyq jaǵynan kútip-baptaýdy jalǵastyrýda. Oqý ornyn bitiretin Aınur Rahymbekova óz tańdaýymen agronom mamandyǵyn qalaǵanyn aıta kelip, atalǵan jylyjaıda baqsha daqyldaryn kútip-baptaýdyń ádis-tásilderin birshama meńgergenin ortaǵa saldy. Mine, topyraǵyn qopsytyp, ony aǵash untaǵymen, tyńaıtqyshpen baıytyp, ósirilgen qııardyń ónimine qarap qýanamyn. Apta saıyn qomaqty ónim jınap ótkizgende, óz eńbegińniń jemisine rıza bolady ekensiń. О́zimmen birge oqyǵan qyz-jigitter mamandyqtaryn tańdaǵandaryna rıza. Bul alǵashqy eńbek jemisi, deıdi ol. Kóksý aýylsharýashylyq kolled­ji salaǵa qajetti 12 mamandyq boıynsha mamandar daıyndasa, olardyń kásibı biliktiligin artty­rýǵa qamqorlyq kórsetken “Jetisý” ÁKK oqý kabınetterin jabdyqtaýǵa demeýshilik tanytqan. Munyń ózi bilikti maman daıarlaýdaǵy negizgi alǵyshart ekeni daýsyz. Suranysqa oraı kolledjde qosymsha kásip túrlerin ashý da qarastyrylǵan. Mine, básekege qabiletti, oqýyn óndirispen baılanystyrǵan jastar endi az ýaqytta jumysqa joldama alady. О́zderine tapsyrylǵan mindetti biletin, ári baý-baqsha daqyldaryn kútý men ósirýdiń, jerdi agrotehnıkalyq sharalarǵa saı baptaýdyń qyr-syryna qanyq bolǵandyqtan olar suranysqa ıe. Kúmisjan BAIJAN, Almaty oblysy. QAZAQSTANDYQ ÚLESTI ULǴAITÝDYŃ QADAMY Aqtóbe qalasyndaǵy “Kapıtal Plaza” bıznes-ortalyǵynda “SNPS-Aqtóbemunaıgaz” AQ bazasynda Qazaqstan taýar óndirýshileriniń “Qazaqstandyq ónimdi tańdaımyz” atty forýmy ótkizildi. Forýmnyń maqsaty – taýarlardy satyp alý, qyzmet kórsetýde qazaqstandyq úlesti arttyrý. Ony Aqtóbe oblysy ákimdigi men “SNPS-Aqtóbemunaıgaz” aksıonerlik qoǵamy birlesip uıymdastyrdy. Forýmǵa jergilikti atqarýshy organdarmen iskerlik qarym -qatynas ornatýǵa yqylasty eki júzden astam aqtóbelik jáne Qazaqstannyń ózge aımaqtarynan kelgen iri taýar óndirýshi kompanııalar ókilderi qatysty. Aımaqtyq forým aıasynda uıymdastyrylǵan taýar óndirýshi kásiporyndar kórmesine alpystan astam kompanııa óz ónimderin qoıdy. Bul sharaǵa qatysýshylar kórmeni aralap kórip, jergilikti kompanııalar shyǵaratyn sapaly ónimderge tánti boldy. Aqtóbe oblysy ákiminiń orynbasary Roza Kemalova forýmdy ashardaǵy kirispe sózinde oblystyń ekonomıkalyq qýaty týraly habardar etti. “Qazaqstandyq kelisim-shart agenttigi” AQ basqarma tóraǵasynyń orynbasary Qurmanǵazy Nuǵymanov elimizdegi qazaqstandyq ónimdi kóbirek paıdalanýǵa baılanysty jasalyp jatqan jumystardyń barysymen tanystyrdy, Elbasy alǵa qoıǵan mindetterdi júzege asyrýdaǵy izdenister men irkilisterdiń arajigin ajyrata áńgimeledi. Aqtóbe oblystyq kásipkerlik jáne ónerkásip basqarmasynyń bastyǵy Nıkolaı Iývısanyń aıtýynsha, óńirde qazaqstandyq ónimderdiń úlesin arttyrý úshin jalpy quny 180 mıllıard teńge bolatyn 4485 kelisim-shart jasalypty. Bul iri kompanııalardyń jumysyna serpin berip qana qoımaı, olarǵa óz ónimderi men qyzmetterin usynatyn shaǵyn jáne orta bıznestiń boıyna qan júgirtip otyrypty. Jergilikti bılik otandyq taýar óndirýshilerdiń ónimderin satyp alý jáne qyzmetterin paıdalanýǵa baılanysty naqty qadamdar jasap otyrǵan kórinedi. Forýmǵa qatysýshylar qazaqstandyq ónimderdi kóbirek paıdalanýdyń ońtaıly joldaryn izdestirýge, bul baǵytta ózderinde atqarylyp jatqan jumystar jaıly oı bólisti, osy máselege qatysty usynystaryn bildirdi. Sondaı-aq, forým kezinde “Atameken” odaǵy men “SNPS-Aqtóbemunaıgaz” aksıonerlik qoǵamy arasynda iskerlik qarym-qatynas jaıly memorandýmǵa qol qoıyldy. Memorandým aıasynda jer qoınaýy baılyǵyn ıgerip jatqan iri munaı kompanııasy 2010 jyly qazaqstandyq kásiporyndardyń keminde 50 mıllıard teńge bolatyn ónimderin, jumystary men qyzmetterin paıdalanatyn boldy. Forým baǵdarlamasy aıasynda ótkizilgen dóńgelek ústelde qazaqstandyq úlesti esepteýdiń biryńǵaı ádistemesi túsindirildi. Osy forýmdy ınvestorlardyń ózderiniń uıymdastyrýy olardyń da bul máselege túsinistik tanytqany deý oryndy. Iаǵnı, munyń ózi jerimizdiń baılyǵynyń ıgiligin kórseń, elge de paıdań tısin degen Elbasy ustanymy óz qaıtarymyn bere bastady degen sóz. Satybaldy SÁÝIRBAI, Aqtóbe oblysy. Ortalyq memlekettik organdardyń ınternet-saıttary Qazaqstan Respýblıkasynyń Úkimeti          www.government.kz Ishki ister mınıstrligi       www.mvd.kz Qorǵanys mınıstrligi      www.mod.kz Qorshaǵan ortany qorǵaý mınıstrligi         www.nature.kz Bilim jáne ǵylym mınıstrligi       www.edu.gov.kz Syrtqy ister mınıstrligi               www.mfa.kz Densaýlyq saqtaý mınıstrligi      www.dari.kz Kólik jáne kommýnıkasııa mınıstrligi      www.mtk.gov.kz Eńbek jáne halyqty áleýmettik qorǵaý mınıstrligi               www.enbek.kz Qarjy mınıstrligi           www.mf.minfin.kz Ekonomıka jáne bıýdjettik josparlaý mınıstrligi              www.minplan.kz Ádilet mınıstrligi             www.minjust.kz Tótenshe jaǵdaılar mınıstrligi   www.emer.kz Mádenıet jáne aqparat mınıstrligi            www.sana.gov.kz Energetıka jáne mıneraldyq resýrstar mınıstrligi           www.memr.gov.kz Aýyl sharýashylyǵy mınıstrligi                www.minagri.kz Indýstrııa jáne saýda mınıstrligi              www.mit.kz Týrızm jáne sport mınıstrligi    www.mts.gov.kz Jer resýrstaryn basqarý agenttigi             www.auzr.kz Baılanys jáne aqparattandyrý  genttigi    ww.alc.gov.kz Statıstıka agenttigi                            www.stat.kz Kóshi-qon jáne demografııa agenttigi                           www.demomigration.kz