Sýret О́skemen qalasy ákiminiń baspasóz qyzmetinen alyndy
«Biz talaı jurtty ábigerge salǵan saqyldaǵan sary aıazda qala turǵyndaryna járdem kórsetken keńpeıil azamattardyń qamqorlyǵyn eskerýsiz qaldyrmaýdy jón kórdik. Olar óz kólikterimen turǵyndardy úıine, jumysyna deıin bir tıyn da suramastan jetkizip saldy. Qalamyzda osyndaı qaıyrymdy jandardyń bar ekenin maqtan tutamyz, shahar turǵyndary atynan alǵys bildiremiz. Mundaı azamattardy jurtqa úlgi etýimiz kerek», - dedi qala ákimi Qýat Tumabaev.
«Jaqsynyń jaqsylyǵyn aıt nury tasysyn» demekshi, qala turǵyndaryn tegin tasymaldaǵan azamattardyń esimderin atap ótýdiń artyǵy bolmas. Olar: Ashat Oqashev, Lııa Krıvolapova, Zarına Eskendirova jáne Nurǵabyl Sqaqov. Shahar turǵyndary áleýmettik jelilerde bul kisiler týraly jyly pikir bildirip, tipti kólikteriniń nómirlerine deıin kórsetipti. Turǵyndardyń osyndaı usynys-pikirleri marapattaýǵa negiz bolǵanyn jetkizgen qala ákimi shahardaǵy «Helios», «Sinooil», «Shtıf» sekildi janarmaı beketterin ıgi iske atsalysýǵa shaqyrdy.
Azamat QASYM,
«Egemen Qazaqstan»
О́SKEMEN
