«El qaýipsizdigin qamtamasyz etýde biz el Prezıdenti N.Á. Nazarbaevtyń aldymyzǵa qoıǵan mindetterin únemi basty nazarda ustanamyz. Bizdiń qyzmetimiz eń aldymen azamattardyń ómirin, konstıtýsııalyq quqyqtary men bostandyqtaryn qorǵaýǵa baǵyttalýy tıis», dedi Amanjol Qabylov. Strategııalyq qujattyń mańyzdylyǵyn aıta kelip, A. Qabylov polısııaǵa degen azamattyq qoǵamnyń senimin qyzmetkerlerdiń joǵary bilimi men biliktiliginiń, sondaı-aq, jeke quram arasynda sybaılas jemqorlyqqa jol bermeýdiń arqasynda qol jetkizýge bolatynyn alǵa tartty.
Departamenttiń Shtab-basqarmasynyń bastyǵy polısııa polkovnıgi Saltanat Jalǵasbaeva óz baıandamasynda 2017 jyly kólik polıseılerimen jedel jaı-kúıdi turaqtandyrýǵa baǵyttalǵan is-sharalar kesheni oıdaǵydaı júzege asyrylǵanyn jetkizdi. Onyń aıtýynsha, Departamenttiń qyzmet kórsetý aýmaǵynda ótken jyly barlyǵy 2441 qylmystyq quqyq buzýshylyq tirkelip, olardyń 1575-i qylmys jáne 866-y qylmystyq teris qylyqtar. О́tkizilgen keshendi uıymdastyrýshylyq-ádistemelik sharalardyń nátıjesinde qylmystar 11,9 paıyzǵa, onyń ishinde aýyr qylmystar 11,2 paıyzǵa, buzaqylyq 14 paıyzǵa, urlyq 11paıyzǵa, alaıaqtyq 6,9 paıyzǵa tómendegen.
Budan soń birqatar jelilik bólinis basshylarynyń esepteri tyńdaldy.
О́tken jyldyń 12 aıy ishinde barlyǵy 54 myń quqyq buzýshy ákimshilik jaýapkershilikke tartylyp, 94,4 mln. teńge ákimshilik aıyppul salynǵan. Departamenttiń jelilik bólinisteriniń kúshimen zańsyz aınalymnan 255 keli túrli esirtki zattary tárkilenip alynyp, esirtki kontrabandasynyń 15 faktisi anyqtalǵan.
Basqosý barysynda Memleket basshysynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýynyń basym baǵyttary talqylandy.
Sonymen qatar, qadr saıasatyn jetildirý, jaýyngerlik-qyzmettik daıyndyq jáne jeke quram arasyndaǵy tártipti qamtamasyz etý boıynsha sharalardy nyǵaıtý máseleleri sóz boldy.
Májilisti qorytyndylaǵan elimizdiń bas kólik polıseıi ótken jyly jiberilgen kemshilikterdi aldaǵy ýaqytta boldyrmaýdyń joldaryn aıta kelip, ishki ister jelilik bólinisteri basshylaryna azamattardyń ótinishteri men habarlamalaryn tolyq tirkeý, áýe jáne temir jol kólikteri nysandarynda oryn alǵan qylmystardy ashýdy jalǵastyrý boıynsha birqatar mindetter júktedi.
Raýan QAIDAR,
«Egemen Qazaqstan».
