Bul týraly eki boksshynyń ózi, promoýterleri jáne jekpe-jekti aqyly túrde translıasııa jasaıtyn HBO telearnasy resmı túrde habarlady. «Bul joly tóreshiler eshteńe sheshe almaıdy. #CaneloGGG2, 5 mamyr, bul resmı», dep málimdedi Golden Boy promoýterlik kompanııasy.
Golovkın-Alvares arasyndaǵy ekinshi kezdesý osy jyldyń 5 mamyrynda ótetin bolyp bekitildi. Meksıkalyq tarap bul kúndi beker tańdamaǵan. Sebebi, 5 mamyr kúni meksıkalyqtar ulttyq merekeleriniń biri – Sınko de Maıo kúnin toılaıdy. Al bul óz kezegende aqyly kórsetilimdi (PPV-translıasııa) kóp satýǵa múmkindik beredi.
Aldaǵy jekpe-jekte Golovkın búkil belbeýin, al Alvares The Ring jýrnaly men orta salmaqtaǵy jelilik chempıondyq ataǵyn ortaǵa salady.
Qazirshe Golovkın – Alvares jekpe-jeginiń ótetin jeri belgisiz. Bul keshti ótkizýge Las-Vegas, Nıý-Iork jáne Dallas qalalary úmitker retinde qarastyrylyp jatyr.
