2017 jyly Qazaqstan ekonomıkasy 4,0%-dy qurap, serpindi ósýge shyqty. Negizgi kapıtalǵa túsetin ınvestısııalardyń ósý qarqyny 2016 jylmen salystyrǵanda 5,5%-dy qurap, 2,7 ese jedeldedi.
Tımýr Súleımenovtiń aıtýynsha, QR Úkimeti men Ulttyq banktiń málimdeme jobasy elimizdiń makroekonomıkalyq jáne aqsha-kredıt saıasatynyń 2018 jylǵa arnalǵan basymdyqtary týraly jalpaq jurtty aqparattandyrý maqsatynda ázirlengen.
Elbasynyń Qazaqstan halqyna «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýynda belgilengen jańa mindetterdi eskere otyryp, ekonomıkalyq saıasattyń 2018 jylǵa arnalǵan basty baǵyttary mynalar bolyp tabylady:
makroekonomıkalyq turaqtylyqty saqtaý;
qolaıly bıznes ahýaldy qamtamasyz etý;
sıfrlyq quramdaýyshty qosa alǵanda, ekonomıka salalaryn damytý;
kólik-logıstıkalyq ınfraqurylymdy damytý.
Úkimet pen Ulttyq bank júrgizetin ekonomıkalyq saıasat aǵymdaǵy jyly jyldyń sońynda ınflıasııa deńgeıin 5,0-7,0% dálizinde qamtamasyz etýge múmkindik beredi. Osy maqsatty qamtamasyz etý ınflıasııany 2020 jyldyń sońyna qaraı 4%-ǵa deıin birtindep tómendetýge mańyzdy qadam bolmaq.
«Úkimettiń basty nazary azyq-túlik jáne azyq-túlik emes taýarlar baǵalarynyń, monopolıster qyzmetteri tarıfteriniń negizsiz ósýine jol bermeýge toǵystyrylady, sondaı-aq jasandy tapshylyq, baǵaǵa ýaǵdalasý jáne josyqsyz báseke qurý múmkindigi joıylady», - dedi Tımýr Súleımenov.
Bıýdjet saıasaty 2018 jyly ekonomıkanyń ósýine, memlekettik-jekeshelik áriptestikti damytýǵa jáne memlekettik qarjy turaqtylyǵyn saqtaýǵa járdemdesýge baǵyttalady. Bul rette memlekettiń barlyq áleýmettik mindettemeleri tolyq kólemde oryndalatyn bolady.
Sıfrlyq quramdaýyshty qosa alǵanda, ekonomıka salalaryn damytý maqsatynda Indýstrııalandyrý kartasy jobasynyń jobalyq qýatyna shyǵýdy qamtamasyz etý, sondaı-aq joǵarǵy tehnologııaly óndirister úlesin ulǵaıtý arqyly ındýstrııalandyrý saıasaty jalǵasatyn bolady. 3D-prıntıng, Big data jáne bultty tehnologııalar sııaqty «Indýstrııa 4.0.» elementterin engizýdi yntalandyrý boıynsha jumys júrgiziletin bolady.
2018 jyly ınnovasııalarǵa, tehnologııalardyń transfertine jáne óńdeý ónerkásibin sıfrlandyrýǵa járdem berýge nazar aýdara otyryp, «sıfrlyq dáýir» ónerkásibiniń qalyptasýyna baǵyttalǵan ındýstrııalandyrýdyń úshinshi besjyldyǵyn ázirleý bastalady.
Agroónerkásiptik keshende aýyl sharýashylyǵy kooperasııasyn odan ári damytý esebinen, egis alańdary qurylymynyń ártaraptandyrylýyn jáne qaıta óńdelgen aýyl sharýashylyǵy ónimderi eksportyn arttyrý boıynsha jumystar jalǵasady.
Kólik-logıstıkalyq ınfraqurylymnyń odan ári damýyna «Nurly Jol» ınfraqurylymdy damytýdyń 2015-2019 jyldarǵa arnalǵan memlekettik baǵdarlamasyn iske asyrýdy jalǵastyrý yqpal etetin bolady.
Jalpy 2018 jyly ekonomıkalyq saıasat turaqty ekonomıkalyq ósýdi, makroekonomıkalyq turaqtylyqty qamtamasyz etý, bank sektorynyń turaqtylyǵy, ınvestısııalyq jáne bıznes ahýaldy jaqsartý, sondaı-aq ekonomıka salalaryn damytý arqyly yntalandyrýǵa baǵyttalady.
QR Ulttyq bankiniń basqarma tóraǵasy Danııar Aqyshev ortaq málimdemeni qabyldaý jáne Ulttyq bank pen Úkimettiń kelisilgen sharalaryn iske asyrý makroekonomıkalyq saıasattyń uzaqmerzimdi maqsattaryna jetýdi qamtamasyz etetinin atap ótti.
Ulttyq Bank ınflıasııalyq targetteý jáne teńgeniń qubylmaly aıyrbas baǵamy saıasaty rejıminde aqsha-kredıt saıasatyn iske asyrýdy jalǵastyrady. Budan ózge, lıberaldyq valıýta rejımin saqtaý kezinde valıýtalyq baqylaýdy kúsheıtý sharalaryn qabyldaý boljanyp otyr.
