Mańyzdy málimdemede biz ómir súrip jatqan búgingi jańa tehnologııalyq kezeńdegi eldiń damýyn qamtamasyz etýge baǵyttalǵan jańa ıdeıalar men mindetter naqtylanǵan. Sonymen qatar sıfrly tehnologııany damytý men memlekettiń zamanaýı álem jáne naqty áreketteri arasyndaǵy baılanysty ornatý qajettiligi aıqyndalǵan. Oǵan qosa adamı kapıtaldy, bilim berýdi damytý jáne halyqtyń ómir súrý sapasyn arttyrý máselesi de qalys qalmaǵan.
Joldaýda belgilengen, qoǵamdy ári qaraı ekonomıkalyq ósirý men jetildirý boıynsha memlekettiń alǵa qoıǵan maqsattary arasynda ózara úılesim tapqan mindetterdiń júzege asyrylatyndyǵyna bek senimdimin.
Prezıdenttiń óz halqymen osynshalyq tikeleı jáne ashyq dıalogqa barýynan biz qazaqstandyqtardyń nelikten óz Kóshbasshylaryn maqtan tutatyndyǵyn ańǵarǵandaımyz.
Men bul elde ekonomıkany arttyrý jáne halyqtyń jaǵdaıyn jaqsartý úshin júzege asyrylyp jatqan barlyq jumystar Qazaqstan men Brazılııa arasyndaǵy iskerlik baılanystardy da nyǵaıtatyndyǵyna kúmán keltirmeımin.
Qazaqstan-Brazılııa áriptestiginiń odan ári damýyna óz úlesimdi qosýǵa beıilmin. Qazaqstannyń jáne onyń Prezıdentiniń alǵa qoıǵan mindetterin jemisti júzege asyrýyna tilektestik bildiremin.
Tomas Lıko MARTINS,
«Brazılııa-Qazaqstan» Saýda-ónerkásip palatasynyń múshesi,
Brazılııa-amerıkalyq «Optimal Capital Partners» kompanııasynyń negizin qalaýshy
