Sondyqtan da oǵan ár óńir ózindik bir sony qózqaras turǵysynan kele bilse, munyń ózi atalmysh baǵdarlamany mazmun jaǵynan da, túr jaǵynan da baıyta túsetinine kúmán keltirýge bolmaıdy.
Osy oraıda Aqtóbe oblysynda qolǵa alynǵan «Túlek kz» jobasy «Týǵan jer» baǵdarlamasyn túrlendire túsýge septigin tıgize alatyn aıryqsha joba deýge tolyq negiz bar. Onyń bas-
ty maqsaty birinshi kezekte oblys mektepterin bitirgen túlekterdiń ushqan uıasy men týǵan jerine degen perzenttik súıispenshiligi men mahabbatyn tereńdetý bolyp otyr. Atalmysh joba óńirdegi bilim shańyraqtarynda túlekter týraly jan-jaqty málimetter men derekter jazylǵan saıttar jasaqtaýdan bastaý aldy.
Bir jaqsysy, qazaqtyń talantty kompozıtory Áset Beıseýovtiń ániniń mátininde aıtylǵandaı, bir aýyldan túlep ushqan jastardyń qamshy saldyratyn túrleri kórinbeıdi. Olar týǵan jer men týǵan topyraq aldyndaǵy paryz men qaryz uǵymdaryn o bastan-aq kókeılerine zerdeleı bilgenin nege aıtpasqa. Sonyń arqasy shyǵar, óńir túlekteri byltyr týǵan jeriniń odan ári túleýi úshin jalpy somasy 1 mıllıard 600 mıllıon teńge kóleminde kómek kórsetipti. Olar muny týǵan jer aldyndaǵy paryzdarynyń bir óteýi dep esepteıdi.
«Túlek kz» jobasynyń basy-qasynda júrgender bıyl túlektermen aradaǵy baılanystar men qarym-qatynastardy odan ári tereńdete túsýdi uıǵaryp otyr.
Temir QUSAIYN,
«Egemen Qazaqstan»
AQTО́BE
