«Probasııa úıiniń» shapaǵaty

 Kerisinshe, moraldyq-psıhologııalyq jáne áleýmettik-quqyqtyq turǵydan tıisti kómekter berilse, olar erkin ómirge tez sińisip keteri anyq. Osy oraıda elimizde bas bostandyǵynan aıyrý oryndarynan bosaǵandar, eń aldymen, probasııa qyzmetiniń esebine alynady. Bul rette Muǵaljar aýdanynyń or­ta­lyǵynda ótken jyly ashylǵan «Probasııa úıi» tirkelgen tulǵalarǵa óz shapa­ǵatyn tıgizip keledi. Sonyń nátı­jesinde birqatary jumyspen qam­tý ortalyǵy arqyly qurylys ju­mys­taryna tartylsa, taǵy biri teplovoz mashınasynyń kómekshisi mamandyǵyn alý úshin ónerkásip kolledjine joldanǵan. Sondaı-aq jeti tulǵaǵa belgilengen kólem­de tegin medısınalyq kó­mek kórse­tilgen. Kelesi kezekte olardyń qa­ta­ryn «Jasyl el» jasaǵynyń sapyna jumysqa orna­lasqandar men «Bastaý-bıznes» baǵ­darlamasy ­bo­ıynsha oqý kýrsyna  qabyldanǵandar jáne quqyqtyq, sonyń ishinde qorǵaýshynyń kómegin alǵandar quraıdy.

Osy joba bıyl da jalǵasyn taýypty. «Probasııa úıiniń» qyz­­­meti «bir tereze» qaǵıdatyna ne­gizdelgen. Soǵan sáıkes mem­lekettik qyzmetter men rásimder ońaılatylǵan túrde kórsetiledi. Probasııa qyzmetiniń esebinde turǵandardyń qaı-qaısysy da áleýmettik-quqyqtyq kómekten tys qalyp kórgen emes.

Mundaǵy basty maqsat – ja­za­syn ótep kelgenderdiń qaı­tadan qylmys jasaýǵa umtylý áreketteriniń aldyn alý, qyl­mysqa ıtermeleıtin sebepterge jol bermeý jáne bas bostan­dyǵynan aıyrý oryndarynan bosaǵandardyń qoǵamdyq ómir­ge tezirek beıimdelip ketýine jaǵ­daı jasaý, deıdi Ishki ister mınıs­trliginiń Aqtóbe oblysy­ boıyn­sha qylmystyq atqarý júıe­si de­partamenti Muǵaljar aýdan­dyq №1 probasııa qyzmeti bóli­miniń aǵa ıns­pektory Gúlsezim Eshma­ǵambetova.

Joǵaryda aıtylǵandaı, ja­­za­syn ótep kelgenderge arnaıy kvota boıynsha belgili bir ju­mys oryndary usynylady. Bul tártip pen júıe áleýmettik damytý baǵdarlamasyn júzege asyrý sheńberinde belgi­lengen. Buǵan qosa probasııa qyzme­ti ese­bindegi tulǵalardy qajet bol­­ǵan jaǵdaıda keshki mektepterge jiberý kózdelgen. Bostandyqqa shyqqandar da barlyq respýblıka azamattary sekildi zeınetaqy men járdemaqy resimdeýge jáne óz bıznesterin ashyp, nesıe alýǵa quqyly. Muǵaljardaǵy probasııa qyzmetiniń janashyrlary mundaı jaǵdaıda tıisti kómek kórsetýdi qyzmet daǵdysyna aınaldyryp otyr.

Temir QUSAIYN,

«Egemen Qazaqstan»

Aqtóbe oblysy,

Muǵaljar aýdany