Spıkerdiń aıtýynsha, eki eldiń kóshbasshylary arasyndaǵy senimge negizdelgen qarym-qatynastar men joǵary deńgeıdegi turaqty únqatysý tabysty yntymaqtastyqtyń kepili bolyp tabylady.
Q.Toqaev Birikken Arab Ámirlikteriniń Federaldyq Ulttyq keńesiniń tóraǵasy Amal ál-Kýbeısıdiń 2016 jyldyń mamyr aıyndaǵy Qazaqstanǵa sapary jańa serpin bergen parlamentaralyq baılanystardyń damý sıpatyn atap ótti. Onyń «Dinder terrorızmge qarsy» atty halyqaralyq konferensııaǵa belsendi qatysýy mańyzdy oqıǵa boldy.
Q.Toqaev dıplomatty 2018 jyldyń qazan aıynda ótetin Álemdik jáne dástúrli dinder kóshbasshylarynyń VI seziniń kún tártibi týraly habardar etti jáne forýmnyń jumysyna Ámirlikter Parlamenti basshylyǵynyń qatysatyndyǵyna úmit bildirdi. Parlament Joǵarǵy Palatasynyń tóraǵasy Astanadaǵy Halyqaralyq EKSPO-2017 kórmesindegi eń úzdik pavılondardyń birin uıymdastyrǵany úshin Birikken Arab Ámirlikterine alǵys aıtty jáne 2020 jyly EKSPO kórmesin Dýbaıda sátti ótkizýge tilektestigin jetkizdi.
Kezdesý barysynda Astanadaǵy Halyqaralyq qarjy ortalyǵy men Dýbaı halyqaralyq qarjy ortalyǵy arasyndaǵy yntymaqtastyqtyń keleshegi týraly pikir almasyldy. Q.Toqaev «Sıfrly Qazaqstan» baǵdarlamasyn iske asyrýǵa baılanysty BAÁ-niń kompanııalaryna ashylatyn múmkindikterge nazar aýdardy.
Muhammed ál-Djaber Qazaqstannyń BUU Qaýipsizdik Keńesindegi kúsh-jigerin joǵary baǵalady jáne Ámirlikterdiń eki jaqty turǵyda jáne halyqaralyq uıymdar aıasynda yntymaqtasýǵa daıyn ekendigin aıtty. Atap aıtqanda, ol Ámirlikter Prezıdent N.Nazarbaevtyń Azyq-túlik qaýipsizdigin qamtamasyz etý jónindegi ıslam uıymyn qurý týraly bastamasyn qoldaıtynyn jetkizdi. Elshi saýda-ekonomıkalyq jáne ınvestısııalyq baılanystardy nyǵaıtýdyń mańyzdylyǵyn, sondaı-aq ǵaryshty ıgerý, týrızm, mádenıet, bilim jáne ǵylym salasyndaǵy yntymaqtastyqtyń zor áleýetin atap ótti.
