Oǵan osydan bir-eki aı buryn ózderinde ótkizilip jatqan konkýrsqa qatysyp, baq synamaq nıette joldanǵan birneshe fotosýret sebep bolsa kerek. Hatta IýNESKO-nyń Ortalyq Azııadaǵy bıýrosynyń basshysy jáne ókili Krısta Pıkkat hanym shtab-páterine shaqyryp, atalmysh sýretterdiń kúntizbege engenin aıtty. Kúntizbe BUU-ǵa múshe 193 elge túgel taraıdy. Jáne Fransııa memleketiniń Parıjdegi shtab-páterine de jiberiledi.
Kúntizbede aty-jónimiz jazylǵan. Odan bólek, kúntizbege qazaqstandyq baldyrǵandardyń, olardyń merekede án salǵany, jaı ǵana mereke emes, Naýryz meıramynyń tańdalýy bizdi qatty qýantty. Ásili shetelge bizdiń ulttyq naqyshtaǵy boıaýy qanyq dástúrli meıramymyzdyń ótý barysy unaǵan. Qazaqtyń jańa jyly, ulttyq kóılek kıgen baldyrǵandardyń sýretteri sonaý Parıj tórinde ilinip turatyny biz úshin árıne, qýanyshty jaǵdaı. Bul jumystardyń barlyǵy Elbasymyzdyń «Rýhanı jańǵyrý» baǵdarlamasyna saı kelip tur. «Sýretter sóıleıdi» degen osy bolar, foto ónerindegi bir ǵana til osylaı ózara túsinistik tapqan. Budan biz sýret óneri arqyly da el men eldiń mádenıetin kórsetip, salt-dástúrimizdi keńinen tanytýǵa bolatynyn ańǵaramyz.
Marat JÚNISBEKOV
