Foto: Erlan Omar
Qylmystyq top quramynda sheneýnikter men veterınarııa mamandary bolǵan. Olar mal basyn jalǵan tirkeý jáne óńdeý qujattaryn qoldan jasaý arqyly memleket bıýdjetine 3 mıllıard teńgeden astam nuqsan keltirgen.
Sýbsıdııany zańsyz rásimdegen: Túrkistan oblysynda kooperatıv basshysy 4 jylǵa sottaldy
«Qaskóıler iri qara maldy satyp alý jáne ony qaıta óńdeý týraly qujattardy jalǵan rásimdeý arqyly agroónerkásiptik keshendi damytýǵa arnalǵan memlekettik baǵdarlama aıasynda júıeli túrde sýbsıdııa alyp otyrǵan. Túsken qarajattar jalǵan jetkizilgen mal úshin tólengendeı kórsetilip, aqparattyq júıelerge engizilgennen keıin qolma-qol aqshaǵa aınaldyrylyp, keıin jalǵan ónim úshin tólem retinde baqylaýdaǵy uıymdardyń shottaryna qaıta aýdarylǵan. Iske zańdy túr berý maqsatynda jalǵan býhgalterlik qujattar rásimdelip, olardyń negizinde sýbsıdııa alýǵa qaıta ótinimder berilip otyrǵan.Nátıjesinde memleketke 3 mlrd teńgeden astam zalal keltirildi», dep habarlady Qarjylyq monıtorıng agenttigi.
Sot sheshimimen uıymdastyrýshy Parhomenko A.G. 14 jylǵa bas bostandyǵynan aıyryldy. Qylmystyq toptyń 14 qatysýshysyna 6 jyldan 10 jylǵa deıin bas bostandyǵynan aıyrý jazasy taǵaıyndaldy. Sondaı-aq qylmystyq jolmen tabylǵan 1,3 mln dollar, 700 mln teńge jáne ózge de múlikter tárkilendi.
Alaıaqtyq keń taraǵan: Premer-mınıstr sýbsıdııalaý saıasatyn qaıta qaraýdy tapsyrdy
Úkim áli zańdy kúshine engen joq.
