Gıvı SIHARÝLIDZE, grýzın jazýshysy
Sen menen aıyrylý úshin sebep izdediń. О́ıtkeni oǵan shyn sebep joq bolatyn. Joǵaltyp alýym múmkin bolǵandyqtan, men seni joǵaltqym kelmeıdi. Sen meniń úlken mahabbatyma selt etpediń. Biraq men seni súıgenim úshin-aq baqyttymyn. Meni taǵdyr tálkegine tastap ketkeniń úshin baqytsyz bolǵanyńdy qalamaımyn. Men laıyqty adamdy súıdim. О́zińniń laıyqsyz qylyqtaryń ózińdi mazalap tolǵandyrsyn. Sen – tyǵyryqtan shyǵar jolsyń. Sen meniń ómirimniń jarqyn kúnderin alyp qoıdyń, biraq menen ózińdi tartyp ala almadyń. Men seni óz júregimniń tereń túbine jasyrdym, sol jerden búkil jan-tánime jaıyp tarattym.
Seni ómir boıy izdep, taptym. Qazir sensiz de kún keshe alamyn, biraq ómir súre almaımyn. Senimen birge jaýradym, biraq maǵan jyly boldy. Kún sensiz de jarqyraıdy, biraq jylytpaıdy. Bilip qoı, men seni eshqashan saǵynbaımyn, óıtkeni seni eshqashan umytpaımyn.
Qazaq tiline aýdaryp daıyndaǵan
Qorǵanbek AMANJOL,
«Egemen Qazaqstan»
