Jıynda osyǵan deıingi Joldaýdy qoldaý maqsatyndaǵy is-sharalar talqylanyp, jetistikter atap ótildi. Máselen, 2016-2017 oqý jylynda «Barsha úshin tegin kásiptik-tehnıkalyq bilim» baǵdarlamasy negizinde 3 aılyq qysqa merzimdi kýrs boıynsha Talǵar aýdanynyń jumyssyz jáne áleýmettik jaǵdaıy tómen 200 turǵyny jumysshy mamandyǵyn oqydy. Bilim alýshylar tegin bilim alyp, qosymsha tólemaqymen qamtamasyz etildi. Eń bastysy, jumyspen qamtamasyz etildi.
2017-2018 oqý jylynda qoǵamnyń qajettiligi men kásiporyndardyń suranystaryna oraı, «Elektrondy esepteý mashınalaryn baptaýshy», «Avtoelektrık» mamandyqtary ashyldy. Búginde Talǵar aýdany óńirinen kolledjimizde 50 stýdent osy mamandyq boıynsha bilim alýda. Sondaı-aq 11-synyptan keıin «Avtoelektrık» mamandyǵy boıynsha 62 bilim alýshyny 10 aılyq baǵdarlama negizinde oqýǵa qabyldadyq.
Joldaýda atap ótilgendeı, standarttar qaıta qarastyrylyp, kolledjimizdiń «Tiginshi», «Aspaz», «Avtoslesar», «Elektrogazdánekerleýshi» mamandyqtary modýldik oqytý júıesine aýystyryldy.
Bıylǵy oqý jylyna da bilim berý mazmunyn jańartý maqsatynda qosymsha eki mamandyq ashýdy josparlap otyrmyz. Ol mamandyqtar respýblıka kóleminde qajettilik týyndatyp otyrǵan «Slesar-santehnık», «Avtokran júrgizýshisi», «Býldozer júrgizýshisi» sııaqty jumysshy mamandyqtary bolyp tabylady.
2016-2019 jyldarǵa arnalǵan ǵylym men bilimdi damytýdyń baǵdarlamasyn júzege asyrý jumystary aıasynda 15 joǵary oqý ornymen memorandýmǵa otyryp, kolledj óz jumysyn júıeli júrgizip keledi. Búginde Joldaýdaǵy mindetterge joǵary oqý oryndarymen birlese qol jetkizip otyrmyz. Atap aıtsaq, kolledjge qajetti mamandardy memorandým sharttary negizinde jumysqa qabyldaý, ǵylymı jumystarmen birlese aınalysý, kolledj oqytýshylary men óndiris sheberleriniń biliktiligin arttyrý múmkindikterine jol ashyldy.
Joldaýda Elbasy dıplom berip qana qoımaı, jumyspen qamtamasyz etý máselesin atap ótti. Kolledjimiz dýaldy oqytý júıesin qalyptastyrý arqyly bul máseleni de 95 paıyzǵa oryndap keledi.
Byltyr oqý jylynyń jeltoqsan aıynda 2 oqytýshymyz Fınlııandııa men Malaızııa elderine baryp bilim alyp keldi. Gúljaýhar Nurǵalıeva Fınlııandııa elinen menedjerlik quzyrettilikti úırenip qaıtty. Sheteldiń qysqy pedagogıkalyq tájirıbesimen bólisip qaıtqan áriptesterimiz kolledjdiń basqa oqytýshylaryn oqytýdy josparlap otyr. Talǵar polıtehnıkalyq kolledji ujymy qashanda Elbasymyzdyń Joldaýyn qoldaý maqsatyndaǵy jumystarda qajyrlyqpen eńbek ete bermek.
Jumaǵalı KIBEKBAEV,
Talǵar polıtehnıkalyq kolledjiniń dırektory
Almaty oblysy
