QAZAQSTAN ÁIELDERINIŃ KOALISIIаSY QURYLDY

Genderlik saıasatty tıimdi júr­gizý arqyly áıel quqyǵyn qorǵaý, otbasylyq-demografııalyq máse­lelerdi sheshý joldary demo­kratııalyq qoǵamda óz jalǵasyn taýyp keledi. Qoǵamdyq sananyń kertartpalyǵyn jeńý úrdisi de búgingi tańda saıasattyń yqpalymen júzege asyrylyp jatyr. Bul jónindegi naqty is-sharalar álem boıynsha da, elimizdiń damý júıe­sinde de durys jolǵa qoıylǵan. Máse­len, elimizdiń Eýropada qaýip­sizdik jáne yntymaqtastyq uıy­myna tóraǵalyq etýdegi jalpyult­tyq jobamyzda da genderlik saıasatty nyǵaıtýdyń erekshelikteri qamtylǵan. Jýyrda ǵana Elbasy­nyń halyqqa arnaǵan “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty Joldaýynda atap kórsetkenindeı, el damýynyń basty arqa súıeri serpindi ın­dýstrı­lızasııa men adam kapıtaly­nyń básekege qabilettiligi bolyp tabylady. Innovasııalyq ekono­mı­kany qalyptastyrýda joǵary bilimdi ári parasatty múmkindikke ıe áıelder qaýymynyń qosar úlesiniń mańyzdylyǵy jáne basqa da Qazaq­stan áıelderiniń áleýmet­tik-ekono­mıkalyq, saıası belsen­dilikti art­tyrý máseleleri Eńbek jáne halyq­ty áleýmettik qorǵaý mınıstri, Prezıdent janyndaǵy áıelder isteri jáne otbasylyq-demo­grafııalyq saıasat jónindegi ulttyq komıssııanyń tóraıymy Gúlshara Ábdihalyqovanyń qaty­sýy­men “QazAqparat” ulttyq aqpa­rat agenttiginiń baspasóz ortaly­ǵynda bolyp ótken basqosýda talqylandy. Baspasóz máslıhatyna, sondaı-aq Prezıdent Ákimshiligi Ishki saıasat bólimi meńgerýshisiniń oryn­basary A.Ǵalymova, Qazaq­stannyń Azamattyq alıansynyń prezıdenti A.Soloveva, Qazaqstan­nyń kásip­ker áıelder odaǵynyń tóraıymy M.Qazbekova jáne basqa da qoǵamdyq belsendiligi joǵary názik jandar qatysty. Máslıhat barysynda sóz sóı­legen mınıstr G.Ábdihalyqova 2010 jyldyń basy Qazaqstan úshin erekshe keń aýqymdy, mazmundy oqıǵalarǵa toly bolǵandyǵyn atap ótti. Onyń eń bastysy – Qazaq­stan­nyń Eýropadaǵy qaýipsizdik jáne yntymaqtastyq uıymyna tóraǵalyq etýi ekendigin basa aıtty. “Bizdiń eldiń TMD, Azııa jáne búkil álemdegi túrkitildes qaýym­das­tyǵynyń ishinen alǵashqy bolyp, sonaý Atlantıkadan Tynyq muhıtqa deıin jaıǵasqan 56 memlekettiń basyn biriktirip otyr­ǵan bedeldi halyqaralyq uıym­ǵa tóraǵalyq etýi, árıne, barlyq qazaq­standyqtar úshin maqtanysh jáne úlken jaýapker­shilik. Sony­men qatar, Prezıdenttiń bastamasy­men HHI ǵasyrdyń jańa on jyl­dy­ǵyn bastadyq. Bul respýb­lı­ka­myz­dyń damýyndaǵy óte mańyzdy kezeń bolatyny anyq”, dedi mınıstr. Mınıstr, sondaı-aq qazaqstan­dyq qoǵamnyń demokratııalanýyn ármen qaraı jetildirý, áıelderdiń quqyǵy men genderlik teńdigin jan-jaqty qorǵaý men tıimdi qoldaý jáne halyqaralyq qarym-qatynas­tardy keńeıtý maqsatynda Qazaq­stan áıelderi koalısııasy qurylyp otyrǵandyǵyn aıtty. Bılik qury­lymy men qoǵamdyq uıymdar­dyń muryndyq bolýymen qurylǵan atalmysh koalısııanyń alǵa qoıǵan ustanymdary da aıqyn bolmaq. Qoǵamdaǵy áıelderdiń barlyq kom­mersııalyq emes uıymdary, bız­nes ókilderi, áıel saıasatkerler múshe bola alatyn koalısııa óz aldyna erler men áıelderdiń quqyq­tary men bostandyqtary jáne múmkin­dik­teriniń teń bolýy, qyzmet kórsetý salasy ártúrli áıelder uıymyna teń dárejede iltıpatpen qaraý, áıelderdiń ózge de uıym­darmen yntymaqtasa jumys isteýi syndy mindetterdi qoıyp otyr. Baspasóz máslıhaty sońynda Qazaqstan Isker áıelder qaýym­das­tyǵynyń prezıdenti R.Sársembaeva elimizdegi jeke kásipkerlik sek­tory­­nyń 80 paıyzy áıelderdiń úlesin­de ekendigine toqtaldy. Bolashaqta áıelder jeke kásip­ker­ligin odan ármen jetildirýdiń joldaryn da qarastyrý kerek­tigin atap ótti. Araı ÚIRENIShBEKQYZY. QAZUÝ-DYŃ JAŃA SERPINI Jaqynda Bilim jáne ǵy­lym mınıstrliginiń Ult­tyq akkredıtasııalyq orta­lyǵy tuńǵysh ret halyqara­lyq úlgi boıynsha joǵary oqý oryn­dary akkredıta­sııasy­nyń qorytyndysyn shyǵar­dy. Otandyq oqý oryn­dary­nyń ishinde ulttyq akkre­dıta­sııany ál-Farabı atyn­daǵy Qazaq ulttyq ýnıver­sıteti alǵashqy bolyp sátti ótkizdi. Instıtýsıonaldy akkredıtasııa – ýnıversıttiń ózin-ózi baǵalaýy men joo qyzmetiniń syrtqy baqylaýy negizinde júrgiziletin Bolon úderisi aıasyndaǵy mindetti shara. Ál-Farabı atyndaǵy Qazaq ulttyq ýnıversıtetinde bul shara­ny belgili ǵalym, Reseıdiń fede­ral­dy akkredıtasııalyq orta­ly­ǵy­nyń jetekshisi Vladımır Navod­novtyń basshylyǵymen Qazaq­stan Respýblıkasy Bilim jáne ǵylym mınıstrliginiń Ulttyq akkre­dıtasııalyq ortalyǵy júrgizdi. Táýelsiz komıssııa jetekshi oqý orny qyzmetiniń barlyq salasymen jan-jaqty tanysyp, ony ulttyq saıasatqa jáne halyqaralyq standarttarǵa, sonymen qatar eldiń áleýmettik-ekonomıkalyq, ǵylym-bilim men mádenı damýyna saı keledi, mıssııasy, mindeti men maqsaty jaqsy qalyptasqan degen qorytyndyǵa keldi. Odan ózge sheteldik jáne otan­dyq joo-y, akademııalyq qoǵamdas­tyq pen qazaqstandyq úkimettik emes uıymdardyń ókilderinen quralǵan sarapshylar toby ǵylymı izdenisterdiń joǵary deńgeıin, bilim sapasyn, ýnıversıtet kam­pýsy­nyń damýyn, sonymen qatar stýdentterdiń oqýy men turmysy jaǵdaıynyń jaqsy ekendigin atap ótti. Almatydaǵy ýnıversıtettik ınternet-ortalyqtyń úlgisimen tanysqan soń, táýelsiz sarapshylar aqparattyq tehnologııalardy engizýde bilim ordasynyń ozyq qural-jaraq tehnıkamen jaqsy jabdyqtalǵandyǵyn basa aıtty. Ulttyq akkredıtasııalyq orta­lyq akkredıtasııalyq komıteti 3 aqpan kúni Qazaqstan Respýblı­kasy Bilim jáne ǵylym mınıstr­ligininiń keńeıtilgen otyrysynda sońǵy qorytyndy sheshimin shyǵardy. Onda Bilim jáne ǵylym mınıstri Janseıit Túımebaev ál-Farabı atyndaǵy QazUÝ-dyń rektory Baqytjan Jumaǵulovqa ınstıtýsıonaldy akkredıtasııa­nyń sátti ótkendigi týraly birinshi sertıfıkatty tapsyrdy. Qorǵanbek AMANJOL. SAǴYNYShTY JYLDARǴA SAIаHAT Qalamy júırik, qııaly ushqyr jýrnalıster óz eńbekterin bul­dama­ǵanymen, oqyrmandar jyly qabyl­daıtyny daýsyz. Ony kez­desý kesh­teri­nen kórip júrmiz. Jer­lesteriniń aldynda 40 jylǵa jýyq jýrna­lıstik eńbegine arnal­ǵan “Saǵynysh jyldar­ǵa saıahat” taqyrybyndaǵy kezdesýde aı­tyl­ǵan oı-pikir Jumash aǵanyń ót­ken ómirine berilgen baǵany qalyńdata tústi. Eńbek jolyn mehanızator­lyq­tan bastaǵan ol keıinnen Qastek aýy­lyndaǵy jastar uıymyna jetek­shi bolyp, alǵyrlyǵymen kózge túsedi. Qalamgerlik eńbegi Jambyl aý­­dandyq “Atameken” gazetinde áde­bı qyzmet­kerlikten súrleý salsa, bu­dan keıin Almaty Joǵary partııa mektebin támam­daǵan­nan soń, 1972 jyldan bastap zeınetkerlikke shyqqanǵa deıin oblystyq “Jetisý” gazetinde je­mis­ti eńbek etkenin aıtý­ǵa bolady. Osy únjarııada 8 jyl bólim meńgerýshisi, 14 jyl jaýapty hatshy, 8 jyl bas redaktordyń orynbasary bolyp ujymdy basqarý men jas jýrna­lısterge qamqorlyq jasaý úlken kásibı biliktilikti talap etkeni daýsyz. Baıyrǵy jýrnalıst Jumash Arǵynbaıuly – ómir tynysyna qulaq túrgen, dáýir dúrsilin dóp bas­­qan jáne onyń qyry men syryn jan-jaqty áserli jazýdan ja­lyqpaǵan adam. Bul jáıtter aýdan ákimi Mahabbat Bıgel­dıevtiń sózinde jan-jaqty aıtyldy. Zeı­netkerlikke shyqsa da eńbekten qol úzbegen Jumash aǵa búginde Halyq­­aralyq jýrnalıstıka akade­mııa­­synyń qurmetti akade­mıgi atanyp, Abaı atyndaǵy Qazaq ulttyq peda­gogıkalyq ýnıver­sıteti jýrnalıs­tıka kafedrasyn­da oqytýshylyq qyzmetin jemisti jalǵastyrýda. Keshte Almaty oblysy ákimi­niń keńesshisi Keńesbek Demeshov ob­lys­tyq máslıhattyń sheshimi­men “Alma­ty oblysynyń Qurmet­ti aza­maty” ataǵyn tapsyryp, syı-sııa­pat jasa­dy. Sonymen qatar Qara­saı aýdany ákimi­niń orynbasary Edil Ábýuly, “Qazaq gazetteri” serik­testiginiń bas dırek­tory – redaktorlar keńesi­niń tóraǵa­sy Jumabek Kenjalın, “Qa­zaq áde­bıeti” gazetiniń bas redaktory Juma­baı Shashtaıuly jáne “Jeti­sý” gazeti­niń jaýapty hatshysy Núsipbaı Ábdir­ahym, taı-qulyndaı tebisip birge ósken baýyrlary – ekonomıka ǵy­lym­­darynyń doktory Marat Nurıev, zań ǵylymdarynyń doktory Aryqbaı Aǵybaev, “Egemen Qazaq­standaǵy” qa­ryn­­­dasy Gúlzeı­nep Sádir­qyzy, taǵy basqalar da qut­tyqtaýlaryn jetkizip, qalam­gerge salt-dástúrimiz­ben shapan japsa, aýyldan túlep ushqan bir top baýyrlary “temir tul­par” mingizdi. Aýdan ónerpazdary – jyrshy-termeshi Ermek Shashtaıuly, ánshi­ler Gúljan Dúısenova, Aı­man-Sholpan Dáýitova, Gúlnár Noǵaı­baeva, taǵy bas­qalardyń ónerleri halyqtyń kóńi­linen shyqty. Árip­tes inisi, aqyn Ma­nar­­bek Izbasarov qalamgerdiń saǵy­nyshty jyldarǵa saıahat jasaǵan arnaý-jyryn oqyp, keshtiń sán-salta­na­tyn arttyrdy. Birtoǵa, áste asyp-tasýdy bilmeı­tin qart jýrna­lıs­tiń halqymen kezdesýinde adamı bıik qa­sıeti taǵy bir qyrynan ashylyp, mereılendi. Qalamger baspadan jańa shyq­qan kitabyn toı shashýy retinde oqyrmanǵa usyndy. Kúmisjan BAIJAN, Almaty oblysy.