Baýyrjan Qasenov osy qyzmette buǵan deıin jumys istegen Sergeı Salamaskııdi aýystyrdy. Basqa jumysqa aýysýyna baılanysty S. Salamaskıı aýdan ákimi laýazymynan bosatyldy. Al, B. Qasenov buǵan deıin oblys ákiminiń aýyl sharýashylyq máseleleri jónindegi orynbasary bolyp qyzmet etti.
- Ýspen aýdany óńirimiz úshin mańyzdy strategııalyq aýdan. Investısııalyq tartymdylyǵy da joǵary. Aýdannyń múmkindigin aýyl sharýashylyǵyn damytý úshin tolyq paıdalaný qajet, - dedi aýdannyń aktıv jıynynda oblys ákimi.
Sondyqtan, bos jatqan jerlerdi aınalymǵa engizý de basty orynda. Jeke ınvestısııalar esebinen jol boıyndaǵy servısti damytyp, qaıta óńdeý nysandaryn ashý jáne aýyl sharýashylyǵy kooperatıvterin qurý kerek degen tapsyrmalar júkteldi.
Farıda Byqaı
«Egemen Qazaqstan»
Pavlodar oblysy
Sýretti túsirgen: Valerıı Býgaev
