Oblys ákiminiń aýyl sharýashylyq jónindegi orynbasary laýazymyna usynylǵan Dáýren Mahajanovtyń kandıdatýrasy Prezıdent Ákimshiligimen kelisilgeni aıtyldy. Bul laýazymda osyǵan deıin qyzmet atqarǵan Baýyrjan Qasenov basqa jumysqa aýysýyna baılanysty qyzmetinen bosatyldy.
Dáýren Mahajanov 1980 jyly týǵan, eki joǵary bilimi bar. 2001 jyly Soltústik Qazaqstan memlekettik ýnıversıtetin ekonomıst-menedjer mamandyǵy boıynsha, 2007 jyly Kókshetaý ýnıversıtetin «qarjy magıstri» mamandyǵy boıynsha aıaqtady. Ekonomıka ǵylymdarynyń kandıdaty.
Eńbek jolyn 1999 jyly Soltústik Qazaqstan oblysy Qyzyljar aýdany ákimi apparatynyń bas mamany bolyp bastady. 2001 jyldan bastap 2009 jylǵa deıin ekinshi deńgeıli bankter «Kazkommersbank» AQ, «ATFBank» AQ, «Alıans Bank» AQ basshylyq laýazymdarynda qyzmet etti.2009-2015 jyldary «Qazaqstannyń ıpotekalyq kredıtterge kepildik berý qory» AQ, «KazAgroFınans» AQ, «KazAgro» ulttyq basqarýshy holdıngi» AQ Basqarmalarynyń tóraǵa orynbasary, «Agrarlyq kredıttik korporasııasy» AQ basqarma tóraǵasy laýazymdarynda qyzmet atqardy.
Qazirgi ýaqytqa deıin «Agrofýd Bereke» JShS dırektorynyń orynbasary laýazymynda qyzmet etti.
Farıda Byqaı
«Egemen Qazaqstan»
Pavlodar
Sýretti túsirgen Valerııı Býgaev
