Budan bólek jańa avtoturaqtar salynyp, feldsherlik pýnkt ashylyp, saıabaq pen avtovokzal paıdalanýǵa berilgen-di. Bir qýanyshtysy, kól jaǵasyn abattandyrý jumystary bıyl da jalǵasyn tappaq. Eń bastysy, aǵymdaǵy jyly О́skemen men Semeı qalalarynan «Jalańashkól» stansasyna deıin temir jol qatynasy jolǵa qoıylyp, oblystyq bıýdjet esebinen atalǵan temir jol beketinen Qabanbaı aýylyna deıingi (Alakól) avtokólik joly jóndelmek. Mundaı jaǵymdy jańalyqty oblys turǵyndary aldyndaǵy eseptik kezdesýde aımaq basshysy Danıal Ahmetovtiń ózi jetkizdi. «Alakól – elimizdiń maqtanyshy. Biz Alakóldi Túrkııa men ózge de elderdegi demalys oryndarynyń deńgeıine jetkizýge kúsh salyp jatyrmyz. Sońǵy eki jylda jalpy somasy 4,3 mıllıard teńgege oblystaǵy negizgi týrıstik oryndarǵa aparatyn avtokólik joldaryn jóndeýden ótkizdik. Sonymen qatar óńirdiń kıeli oryndar tizimine engen Abaı aýdanyndaǵy Qońyr áýlıe úńgiriniń jáne Tarbaǵataı aýdanyndaǵy Yrǵyzbaı áýlıe kesenesiniń týrıstik ınfraqurylymy jaqsartyldy», dedi oblys ákimi.
Azamat QASYM,
«Egemen Qazaqstan»
Shyǵys Qazaqstan oblysy
