Jeńis Qasymbektiń aıtýynsha, 2017 jyldyń 9 aıynyń qorytyndysy boıynsha tikeleı sheteldik ınvestısııalardyń jalpy aǵyny $15,8 mlrd qurady, bul 2016 jyldyń osy kezeńimen salystyrǵanda 5,3%-ǵa joǵary kórsetkish.
QR Investısııalar jáne damý mınıstrligi «Kazakh Invest» AQ-men birlesip, jalpy quny $47,8 mlrd bolatyn, iske asyrylyp jatqan 145 ınvestısııalyq jobanyń negizgi tizimin qalyptastyrdy, oǵan barlyq eldik yntymaqtastyq baǵdarlamalary aıasyndaǵy jobalar, sonyń ishinde qazaqstandyq–qytaı, qazaqstandyq–túrik jáne basqa da ınvestısııalyq jobalar kirdi.
Qazaqstan–Qytaı yntymaqtastyǵy aıasynda jalpy somasy $27,7 mlrd bolatyn 51 joba júzege asyrylyp jatyr, olardyń shamamen $140 mln somasyna 4 joba engizildi. Bıyl $623 mln ınvestısııalar kólemi bar qytaı kapıtalynyń qatysýymen 5 jobanyń qurylysy bastalady. Qazaqstan–Túrkııa yntymaqtastyǵy baǵdarlamasy («Jańa sınergııa») 26 jobadan turady. Osy jyly jalpy somasy $15,5 mln bolatyn 2 jobany júzege asyrý kózdelgen. Sondaı-aq, Memleket basshysynyń shet elderge sapary barysynda qol qoıylǵan kelisimder aıasynda júzege asyrylatyn basqa da ınvestısııalyq jobalar negizgi tizimge engizilgen.
Bıyl jalpy 145 jobanyń $1,6 mlrd somasyna 15 jobasynyń qurylysyn bastaý josparlanyp otyr. Keleshekte halyqaralyq qarjy ınstıtýttarynyń qarajattary tartylatyn jobalar, onyń ishinde MJÁ jobalary tizimge qosylady.
Osy jyly QR Investısııalar jáne damý mınıstrligi Ulttyq ınvestısııalyq strategııany iske asyrýdyń belsendi kezeńine kóshedi. 2018 jyly 45 is-sharany oryndaý kózdelgen.
«Investısııalar tartý máselesi – Mınıstrliktiń basty basymdyqty jumystarynyń biri ári árdaıym turaqty baqylaýdaǵy is», — dep qorytyndylady Jeńis Qasymbek.
QR syrtqy ister mınıstriniń birinshi orynbasary Muhtar Tileýberdiniń aıtýynsha, ekonomıkanyń basym salalaryna shetel ınvestısııalaryn jáne ınnovasııalyq tehnologııalardy tartýǵa, sondaı-aq otandyq eksporttyq ónimderdi ótkizýge járdemdesý — QR syrtqy ekonomıkalyq saıasatynyń basty elementi jáne saýda men ekonomıkalyq dıplomatııanyń negizgi basymdyqtarynyń biri.
Muhtar Tileýberdiniń aıtýynsha, Memleket basshysy ekonomıkalyq dıplomatııany damytýǵa erekshe kóńil bóledi. Shet elderge resmı saparlardyń barlyǵy derlik onyń sheteldik bıznes qaýymdastyqtarmen jeke kezdesýlerin kózdeıdi, kommersııalyq kelisimder jasalady. Máselen, Elbasynyń 2016–2017 jj. saparlary aıasynda $6 mlrd astam somaǵa ınvestısııalyq jáne saýda kelisimderine qol qoıyldy. 2018 jylǵy qańtardaǵy Memleket basshysynyń AQSh-qa resmı saparynyń qorytyndysy boıynsha shamamen $7 mlrd somasyn quraıtyn 27 qujatqa qol qoıyldy.
Investısııalardy syrtqy deńgeıde tartý jónindegi jumysty kúsheıtý maqsatynda ınvestorlarmen maqsatty jumys isteý úshin 10 basymdyqty elderde QR Investısııalar jáne damý mınıstrliginiń ınvestısııalyq keńesshiler jelisin óristetý boıynsha jumystar júrgizilýde.
QR-nyń shet elderdegi mekemeleri «Kazakh Invest» UK» AQ-nyń shet elderdegi ókilderimen birlesip sheteldik iskerlik qaýymdastyqpen ınvestısııalyq yntymaqtastyqty nyǵaıtý boıynsha turaqty is-sharalar ótkizýde.
«Jalpy alǵanda, el basshylyǵy belgilegen syrtqy ekonomıkalyq baǵyttar SIM qyzmetiniń barlyq spektri boıynsha aıqyndaýshy faktor retinde qoıylǵan. Syrtqy saıası vedomstvo, ásirese ekonomıkalyq dıplomatııany yntalandyrý, sheteldik ınvestısııalardy tartýda ishki tetikter men syrtqy áriptester arasyndaǵy mańyzdy baılanystyrýshy býyn retinde tanylady. Atalǵan kópjosparly jumys aldaǵy ýaqytta da jalǵasyn tabady», — dep túıindedi Muhtar Tileýberdi.
