Foto: https://www.aa.com.tr/ru
Aq úıde sóılegen sózinde Tramp «Epıkalyq ashý» operasııasy aıasynda qoıylǵan mindetterdiń basym bóligi oryndalǵanyn atap ótti. Ol AQSh-tyń áskerı maqsattardy qysqa merzimde tolyq aıaqtaýǵa jaqyn ekenin jetkizdi.
Prezıdent eger kelisimge qol jetkizilmese, Irandaǵy elektr stansııalaryna soqqy jasalýy múmkin ekenin eskertti. Onyń sózinshe, negizgi maqsat – nátıjege tez jetý.
Sonymen qatar ol Izraıl, Saýd Arabııasy jáne birqatar Parsy shyǵanaǵy elderine qoldaý kórsetýdi jalǵastyratynyn aıtty.
Ormuz buǵazy máselesine qatysty Tramp AQSh bul baǵyttaǵy munaıǵa táýeldi emes ekenin, sondyqtan onyń qaýipsizdigin sol arqyly munaı alatyn elder qamtamasyz etýi tıis ekenin atap ótti.
Onyń aıtýynsha, AQSh-ta munaı qory Reseı men Saýd Arabııasynan da kóp, al eldiń negizgi baǵyty – odaqtastarǵa qoldaý kórsetý.
