Alyp shahar Almatyda bul baǵyt boıynsha edáýir ilgerileý bar. Onyń bir ǵana dáleli qaladaǵy barlyq mektepter keńjolaqty ınternetke qosylǵan.
О́tken jyldyń qyrkúıek aıynan bastap mektepterde «Kundelik.kz» elektrondy kúndelik jáne jýrnaldar júıesi engizilgen. Bul júıe muǵalimderge elektrondy formatta jýrnal toltyrýǵa múmkindik týdyrsa, ata-analar qaýymy úshin balasynyń úlgerimin onlaın rejıminde qashyqtyqtan aq qadaǵalaýǵa jol ashqan. Mamandar júıe jumysyn bastaǵaly beri oqýshylardyń úlgerim sapasy men tártibinde oń ózgerister baıqalǵanyn aıtady.
Mektepter men mektepten tys uıymdarda iske qosylǵan robototehnıka jáne 3D modeldeý úıirmeleri 2692 oqýshyny qamtyǵan. Aǵymdaǵy jyly Oqýshylar saraıy bazasynda balalar men jasóspirimder kúshimen ınnovasııalyq bıznes jobalardy engizýge arnalǵan bıznes-ınkýbator qurylmaq. Almaty qalalyq Bilim basqarmasynyń basshysy Gýlnar Hodjabergenovanyń aıtýynsha, bul balalardyń erte jastan zertteýshilik daǵdysyn qalyptastyrýǵa jáne mektep bitirýshilerdiń bolashaqta álemdik básekelestik ortada laıyqty oryn alýlaryna múmkindik bermek. Pedagogtardyń biliktiligin arttyrý men mártebesin kóterý árdaıym basty nazarda degen qalanyń bas muǵalimi osy baǵytta qolǵa alynǵan birqatar sharýalardy jipke tizip berdi.
– Orta bilim berý deńgeıinde jańartylǵan mazmundy bilim berýge kezeńdep ótý belgilendi jáne bul 2020 jyly aıaqtalady. Osy rette jańartylǵan mazmundy bilim berýge 2016 jyly 1-inshi synyptar, 2017 jyly 2, 5, 7-inshi synyptar ótti. Aǵymdaǵy jyly kezeńdep ótý isi 3, 6, 8-inshi synyptardy qamtysa, 2019 jyly, 9, 10-ynshy synyptar, 2020 jyly 11-inshi synyptar jańa mazmundy bilim berýge tolyqtaı ótedi. Elbasynyń halyqqa Joldaýynda atap kórsetkendeı, jańa mazmundy bilim berý júıesine ótken muǵalimderdiń jalaqysy 30 paıyzǵa ósedi. Sanaty men eńbek ótili joq jas muǵalimderge 18 696 teńge, joǵary sanatty muǵalimderge 27 myń teńgeden asa ústemaqy qosylady. Jańartylǵan mazmunda bilim berý boıynsha 2016 jyly 1-inshi synyptyń 2786 muǵalimi, 2017 jyly 2,5,7, synyptardyń 3846 muǵalimi kýrstan ótkizildi. Bıylǵy jyly Bilim basqarmasynyń jáne bilim berý uıymdarynyń saıttaryna qaladaǵy úzdik muǵalimderdiń beıne sabaqtaryn ornatý boıynsha jumystar bastaldy. Bilim berý júıesiniń tıimdilik kórsetkishiniń mańyzy onyń nátıjeliliginde, – deıdi Gúlnar Hodjabergenova.
Almaty qalasynyń bilim berý júıesinde 1078 bilim berý uıymy jumys istese sonyń 700-i mektepke deıingi bilim berý uıymy. Máselen, sońǵy eki jyldyń ózinde qalada 10,4 myń adamǵa arnalǵan 262 mektepke deıingi mekeme ashylǵan. Mektepke deıingi bilim berý jáne tárbıeleýmen 3 jastan 6 jasqa deıingi 81,2 paıyz balalar qamtylǵan. 296 mektepke deıingi uıymnyń bazasynda 13 712 orynǵa memlekettik bilim berý tapsyrysy ornalastyrylǵan. Jalpy qaladaǵy orta bilim berý uıymdarynda 243 348 oqýshy bilim alady. Jýyrda ǵana halyq aldynda esep bergen shahar basshysy jastardyń jaqsy bilim alýyna ońtaıly kóńil bólinetinin tilge tıek etken edi. Bul rette oqýshylardyń sapaly bilim alýy úshin, muǵalimderge qoıylatyn talap ta kúsheıtilmek.
Arman OKTIаBR,
«Egemen Qazaqstan»
