"Elimizde qazaq jáne orys jáne aǵylshyn tilinde úshtildilik saıasaty júrip jatyr. Bul másele óz ornymen sheshiledi. Men dıvanda otyryp synaıtyndarǵa qaraǵanda qazaq tilin bilmese de Qazaqstannyń naǵyz patrıoty bolyp, eldiń damýyna erekshe úles qosqandardy kóptep mysalǵa keltire alamyn", dedi mınıstr Úkimet otyrysynyń úzilisinde.
"Táýelsizdigimizdiń 26 jyly ishinde Úkimette, Parlamentte qazaq tilinde sóıleýimiz tıis. Bul memlekettik tildi meńgergen deńgeıine baılanysty. Qazaqstannyń keıbir azamattary oıyn orys tilinde jetkizgisi kelse jáne jetkilikti túrde qazaq tilin bilmese olardyń orys tilinde sóılegeni durys dep esepteımin. Taǵy da qaıtalap aıtamyn, Úkimettiń barlyq múshesi men depýtattar qazaq tilin jaqsy meńgergen", dep málimdedi ol.
Aıta keteıik, 26 aqpanda Nursultan Nazarbaev Aqparat jáne kommýnıkasııalar mınıstri Dáýren Abaevty qabyldaǵan kezde "Parlament pen Úkimettiń qyzmeti memlekettik tilde júrgizilýge tıis" degen bolatyn.
