1 naýryzda Q.Qýanyshbaev atyndaǵy Memlekettik akademııalyq qazaq mýzykalyq drama teatrynda «Ǵasyrdan da uzaq kún» spektakli, al M.Gorkıı atyndaǵy orys drama teatrynda «Kýrt – dragosennyı kamen» qoıylymy kórermender nazaryna usynylatyn bolady. Astananyń Qýyrshaq teatry balalar úıiniń tárbıelenýshileri men kópbalaly otbasylardan shyqqan balalar úshin «Lesnaıa skazka o dobryh sosedıah» spektakliniń qaıyrymdylyq kórsetilimin sahnalaıdy. Osy kúni S.Seıfýllın atyndaǵy mýzeıde «Janyńda júr jaqsy adam» taqyrybynda kezdesý, al №5 balalar kitaphanasynda «Teplo kazahstanskoı zemlı» keshi ótedi.
Sonymen qatar, elordalyq kitaphanashylar Qarttar úıinde «Qurmet pen izet qushaǵynda» kóshpeli sharasyn uıymdastyrady. Al «ALJIR» murajaıyna kelýshiler merekege oraı uıymdastyrylǵan arnaıy kórmeni tamashalaı alady.
Budan bólek, Astanada Alǵys aıtý kúnine oraı 2 konsert ótedi. 1 naýryzda Beıbitshilik jáne kelisim saraıynda «Myń alǵys» konserti, al 3 naýryzda «Jastar» saraıynda «Odın narod – odna semıa» konserti kórermender nazaryna usynylady.
Alǵys aıtý kúni Qazaqstanda 1 naýryzda atalyp ótiledi. Bul mereke Prezıdent Nursultan Nazarbaevtyń Jarlyǵymen 2016 jyly bekitilip, Qazaqstan halqy Assambleıasynyń qurylǵan kúnine oraılastyrylǵan.
