Alǵash ret uıymdastyrylatyn is-shara áıelder úshin yntalandyrýshy bıznes alańy bolmaq. Jobaǵa 500-den astam áıel qatysady dep kútilip otyr.
Jıyn barysynda otbasyndaǵy qarym-qatynas, bala tárbıesi, qazirgi zamanǵy jastardyń moraldy túrde damýy, otbasymen birge karerany da qatar alyp júrý, ózin-ózi damytý máseleleri qozǵalady. Qazaqstan, Reseı, Ýkraına, Belarýs, Sıngapýr jáne AQSh elderiniń isker hanymdary motıvasııalyq baǵyttaǵy oılaryn aıtyp, mańyzdy sátterde durys qadam jasaý joldaryn úıretedi. Sondaı-aq qyzyqty áńgimelerimen de bólisedi.
Spıkerler qatarynda Astana halyqaralyq qarjy ortalyǵynyń sıfrlyq tehnologııalar jónindegi dırektory Ásel Jıenbaeva, shahmattan áıelder arasynda halyqaralyq grossmeıster Dınara Sádýaqasova, jartylaı jeńil (IBO) jáne jeńil (WIBA) salmaqtaǵy álem chempıony Fırýza Sháripova, bıznes jattyqtyrýshy ári oqytýshy Djenıfer Lıýıs (AQSh), Community iskerlik basylymynyń shef-redaktory Tatıana Lıýlka (Ýkraına), áıelderge arnalǵan LADY.TUT.BY saıtynyń jetekshisi Svetlana Zere (Belarýs), jazýshy, bıznes-jattyqtyrýshy Larısa Parfenteva (Reseı), halyqaralyq Success Resources kompanııasynyń teń quryltaıshysy Veronıka Tan (Sıngapýr) bar.
