Polıseıler jarty mıllıon teńgeni ıesine berdi

Oǵan áleýmettik jelilerde aıtylatyndaı, azamattar men polısııanyń arasyndaǵy ózara túsinispeýshilik oqıǵalary da sebep bolady. Biraq polısııa qyzmetkerleriniń adamdardy qorǵaýda ómirin de qıyp ji­beretin erligi nemese kún­delikti tártip saqtaýdaǵy ıgi isteri týraly jelilerde kóp­­shil­iktiń jaq ashpaıtyny tań­ǵal­dyrady. О́zim izdep, po­lı­seılerdiń atyna jazylǵan bir jyly sóz taba almadym.

Polısııa qyzmetkerlerin daıyn­daǵanda, eń aldymen, olardan adamgershilik pen adaldyq talap etiledi, osy jaqsy qasıetterdi boıyna sińirý úshin oqý orny tara­pynan kóp jumystar júr­gi­zi­ledi. Jaqynda ǵana sonyń qaıtarymyndaı bir oqı­ǵa oryn aldy. Shyraqbek Qa­byl­baev atyndaǵy Qostanaı aka­demııasynyń qyzmetkeri, polısııa maıory Erbolat Qaınar men magıstratýranyń birinshi kýrs magıstranty, polısııa kapıtany Nurdáýlet Myrzazııaev kóshede kele ja­typ ámııan taýyp alady. Olar ámııan ishindegi jarty mıllıon teńgesimen ıesin taý­yp, qaıtaryp beredi. Bul adam­gershilik, ımandylyq emeı nemene?!

– Biz týysqan inim Nur­dáý­let ekeýmiz kele jatyp, úı­diń ja­nynda jerde jatqan ámııan­dy taýyp aldyq. Basynda alý­ǵa qymsynǵanymyz shyn­dyq. О́ıtkeni qazirgi zamanda aıaqtan shalatyn adamdar da bolady ǵoı. Biraq kópke topyraq shashýdan aýlaqpyn. Degenmen sondaı istiń qurbany bolmaıyq degen oımen sál kidiris jasadyq ta, qaraý kerek dep sheshtik. Nurdáýlet jerde jatqan ámııandy kóterip alyp, ishinde qujaty bar ma dep qarady. Ashsaq, ámııannyń ishinde 500 myńnan astam teńge jáne ámııan ıesiniń tólqujaty, bas­qa da jeke qujattary bar eken. Ekeýmiz dereý ámııan ıe­sin izdestirip, tanys-ta­myr­lar­ǵa ǵalamtordaǵy áleýmettik jeli­ler arqyly jazyp, qońyraý shalyp, 2-3 saǵattaı izdestirý sharalaryn jasap, ıesin taýyp aldyq. Telefon arqyly sóıleskende ámııandy joǵaltyp alǵan adam ony qaıda túsirip alǵanyn esine túsire almaı qatty qınaldy. Sosyn biz ámııandy taýyp al­ǵ­a­nymyzdy aıtyp, súıinshi su­rap, ony qaıtaryp berýge kez­desetin jerdi belgiledik. Bir­shama ýaqyttan soń kútken kisimiz kelip, ámııanyn qarap, ishin tekserip, aqshasy men qu­jattarynyń ornynda bol­ǵa­nyna qýanyshyn bildirdi. Mine, osylaı kishkentaı ǵana jaqsylyq jasaımyz dep, Nurjan (ámııannyń ıesi, ol aty-jónin tolyq jazbaýdy ótindi) baýyrymyzdan úlken alǵys aldyq, – deıdi Erbolat Qaınar.

Al ámııan ıesi Nurjan:

– Meniń akademııa qyzmet­ker­leri Erbolat pen Nurdáýlet baý­yrlaryma alǵysym sheksiz. Eger de qomaqty somany maǵan qaı­tarmaǵanda ne bolar edi? Qazaqta «qýǵan jetpeıdi, buıyr­ǵan ketpeıdi» degen jaq­­sy sóz bar ǵoı. Munyń ıman­­­júzdi adamdardyń qoly­na tús­k­enin, maǵan qaıta buıyr­ǵa­n­yn úıdegi bala-shaǵamnyń ne­sibesi, ózimniń aq-adal malym eken dep bildim. Bul jigitter qoǵamdaǵy polısııanyń bede­lin arttyrýǵa úlken úles qosty dep oılaımyn, – dedi.

Mine, jarty kúnge sozylǵan jar­ty mıllıon teńgeniń oqı­ǵasy osylaı jaqsylyqpen aıaq­talǵany úlken abyroı boldy, barshamyzdy qýantty.

Meıram OSPANOV,

IIM Sh.Qabylbaev atyndaǵy Qostanaı akademııasynyń baspasóz hatshysy

QOSTANAI