Astana qalasy ákimdiginde Halyqaralyq áıelder kúni merekesine oraı saltanatty jıyn ótti. Merekelik sharaǵa 200 den astam qyz-kelinshek qatysty. Áset Isekeshev qyzdardy kóktem merekesimen quttyqtap, eńbekte tabys tiledi. Merekelik sharaǵa kelgen qyz-kelinshekterge qyzǵaldaq gúlin syılady.
«Sizderdiń merekelerińiz kóktemgi shýaqpen, adamzatqa jylylyq ákelýde. Bizdiń ult qashanda anany ardaqtap, qurmettegen. Ana otbasynyń jylýy, uıytqysy. Sizder analyq paryzben qatar bizdiń qoǵamnyń damýyna da eleýli úles qosýdasyzdar. Qymbatty analar, qyzdar, sizderdiń kishipeıildilik, danalyq, túsinistik pen qoldaýlaryńyzǵa rahmet», - dedi ákim.
Sondaı-aq, Astana qalasynyń ákimi Áset Isekeshev elimizde Nursultan Nazarbaevtyń qoldaýynyń arqasynda genderlik saıasatqa, ana men balany qorǵaýǵa basym kóńil bólinip jatqanyn atap ótti. Kezdesý sońynda 10 kópbalaly ana - «Kúmis Alqa», eki ana - «Altyn Alqamen» marapattaldy.
