Memleket basshysynyń tapsyrmasyn oryndaý maqsatynda 7 naýryzda QR Energetıka mınıstrliginde múddeli memlekettik organdardyń, Qyzylorda, Qaraǵandy, Aqmola oblystary jáne Astana qalasy ákimdikteriniń jáne «Samuryq-Qazyna» UÁQ qatysýymen selektorlyq keńes ótkizildi. Onda Gazben qamtamasyz etý jobasyn iske asyrý jónindegi Jol kartasy maquldanyp, jumys toby quryldy.
«Biz "Qyzylorda – Jezqazǵan – Qaraǵandy – Temirtaý – Astana" baǵyty boıynsha magıstraldi gaz qubyrynyń jobalyq-smetalyq qujattamasyn ázirlep, bekitýdi jáne jer bólýdi qamtamasyz etýge kelistik. Jaýapty oryndaýshylar: Energetıka mınıstrligi, QR IDM, Qyzylorda, Qaraǵandy, Aqmola oblystarynyń ákimdikteri jáne «QazTransGaz». Merzimi – 2018 jyldyń shilde aıy», — dedi Q. Bozymbaev.
Mınıstr, sondaı-aq, halyqaralyq qarjy ınstıtýttarynan qarajat tartý arqyly jobany qarjylandyrýdyń shemasyn anyqtaý qajet ekenin atap ótti. Merzimi – 2018 jyldyń maýsym aıy. Mundaǵy jaýapty oryndaýshylar — «Báıterek» UBH, QR QM, QR UEM, QR EM, «Samuryq-Qazyna» UÁQ, «QazMunaıGaz» UK, «QazTransGaz» AQ.
Q. Bozymbaev «Samuryq-Qazyna» UÁQ» jobany iske asyrýǵa jáne qarjy tartýǵa jetkilikti deńgeıde jarǵylyq kapıtaldy qalyptastyrý úshin enshiles uıymdy qurýy nemese anyqtaýy kerek ekenin aıtty. Merzimi — 2018 jyldyń maýsym aıy. Jaýapty mekemeler: QR UEM, «Samuryq-Qazyna» UÁQ, «QazMunaıGaz» UK, «QazTransGaz» AQ.
«Magıstraldi gaz qubyrynyń qurylysyna kirisý jáne gaz qubyrynyń alǵashqy jigin dánekerleýdiń saltanatty rásimi osy jyldyń shilde aıynyń basyna josparlanǵan», — dep habarlady Q. Bozymbaev.
Budan ózge, mınıstr magıstraldi gaz qubyryn toltyrý jáne tutynýshylarǵa gaz jetkizýdi qamtamasyz etý maqsatynda Qaraǵandy, Aqmola oblystary jáne Astana qalasy ákimdikterine gaz taratý jelilerin jobalaýdy jáne onyń qurylysyn magıstraldi gaz qubyrynyń aıaqtalý ýaqytymen sáıkestendire otyryp, tezdetý qajet ekenin, barlyq jumys 2019 jyldyń shildesine deıin aıaqtalýy kerektigin aıtty.
Eske sala keteıik, Elbasy 2018 jylǵy 5 naýryzdaǵy Qazaqstan halqyna Úndeýinde «Qyzylorda — Jezqazǵan — Qaraǵandy — Temirtaý — Astana» baǵyty boıynsha «Saryarqa» magıstraldi gaz qubyryn salý jobasyn bir–bir jarym jyldyń ishinde iske asyrýdy tapsyrdy.
