Memleket basqarý óneriniń irgetasy

Qazaqstan Respýblıkasy Prezıdentiniń janyndaǵy Memlekettik basqarý akademııasynda el Táýelsizdiginiń 20 jyldyǵyna oraılastyrylǵan «Tıimdi memlekettik basqarý» atty III akademııalyq sımpozıým bolyp ótti. Atalǵan sımpozıým Hans Zaıdel (GFR) atyndaǵy qor men BUU Damý baǵdar­la­ma­synyń uıymdastyrýymen ót­kizildi. Sımpozıýmda Qazaq­stan Respýblıkasynyń memlekettik basqarý máseleleri, úr­disteri men perspektıvalary sekildi taqyryptar talqy­lan­dy. Seksııalyq májilisterge álemniń 13 elinen kelgen sa­rapshylar, Akademııanyń dok­toranttary men profes­sor­lyq-oqytýshylar quramy, son­daı-aq otandyq joǵary oqý oryndary men ǵylymı-zert­teý mekemeleriniń ókilderi qatysty. Atap aıtqanda, Hans zaıdel atyndaǵy qordyń ókili M.Maıer, Eýropa dıp­lomatııalyq akademııasynyń dırektory I.Semınatore (Bel­gııa), Oksford ýnıversıteti kóshbasshylyq jáne memlekettik saıasat jónindegi baǵdarlamasynyń dırektory A.Hadson, Stenford memlekettik saıasat mektebiniń pro­fessory Dj.Tam, Fransııa Memlekettik basqarýdyń ult­tyq mektebi (ENA) halyq­aralyq damytý departamenti dırektorynyń orynbasary M.Brıýnner, Búkilálemdik bank­tiń memlekettik qyzmet máseleleri boıynsha aǵa ke­ńes­shisi Ý.Dıllendjer, Túr­kııa Joǵarǵy sotynyń múshesi S.Sezaı Ýral sekildi memlekettik basqarý isiniń bilgir mamandary baıandama jasap, óz pikirlerin ortaǵa saldy. Budan ózge sımpozıým jumysy sheńberinde otandyq kórnekti sarapshylardyń tikeleı qatysýymen Akademııa ǵalymdary daıyndaǵan memlekettik basqarý salasyndaǵy taqyryptyq baıandamalar boı­ynsha ǵylymı-zertteý jumys­ta­rynyń tusaýkeser sharasy boldy. Sonymen qatar, Memlekettik basqarý akademııasy qaýymdastyqqa múshe elder ara­synda Eýrazııa qaýymdas­ty­ǵynyń qoldaýymen aǵym­daǵy jyly ótkizilgen oqý baǵ­darlamalary boıynsha eń úz­dik bilim alýshylar men da­mytýshylardyń halyqaralyq konkýrsynyń jeńimpazdaryn marapattaý rásimi ótti. Qanat ESKENDIR. Astana.