«Bıylǵy sáýir asa jyly, birinshi jáne úshinshi onkúndikte jaýyn-shashyn jıi bolady. Osy aıdyń ishinde jyly aýa raıy birneshe ret salqyn kúnderdiń qaıtyp kelýimen almasyp otyrady. Osy rette soltústikte, ortalyqta jáne elimizdiń shyǵysynda aýa temperatýrasy túnde 5-15 gradýsqa tómendep, al kúndiz 0-5 gradýsqa deıin jyly bolady. Al aıdyń ortasyna jáne úshinshi onkúndiktiń ortasyna qaraı Ortalyq Azııadan keletin jylý almasýlaryna baılanysty janǵa jaıly jylymyq ornaıdy. Bul kezde aýanyń temperatýrasy elimizdiń soltústik aımaqtarynda kúndiz 15-23 gradýsqa deıin joǵarylasa, elimizdiń ońtústik óńirlerinde 20-28 gradýsqa deıin barady. Biraq sáýir aıynda aýa raıy áli de aldamshy bolǵandyqtan, mundaı jyly kúnder uzaqqa sozylmaıdy. О́ıtkeni úshinshi onkúndiktiń basynda jáne sońyna qaraı aýa raıy qaıtadan sýyta túsedi. Elimizdiń soltústik óńirlerinde aýa raıy jaýyn-shashyndy bolady. Sondaı-aq uzaq merzimdi aýa raıy boljamdary boıynsha, mamyr aıy jyly jáne jaýyn-shashyndy bolady dep kútilýde, tek respýblıkanyń ońtústik-batysynda, ońtústigi men ortalyǵynda jaýyn-shashyn normadan az túsedi. Maýsym-shilde aılarynda respýblıkanyń batysy men ońtústigin qospaǵanda, jaýyn-shashyn normadan tómen bolady dep kútilýde», dedi Uzaq merzimdi aýa raıy boljamy basqarmasynyń basshysy Gúlmıra Aqysheva.
