Sıýjet jelisi 2010 jyly 22 maýsymda Aqtaý qalasyndaǵy qatań tártiptegi túrmeden qashpaq bolǵan 21 jazasyn óteýshige bir ózi qarsy turyp, eren erlik kórsetken Ulttyq ulannyń jaýyngeri Erbol Otarbaevtyń jaýyngerlik jáne azamattyq erligine, qaısarlyǵyna qurylǵan. Sol qıyn kúni Aqtaý qalasyndaǵy túzeý mekemesin kúzetý boıynsha qaraýyl qyzmetinde turǵan jas jaýynger keýdesin oqqa tósep, qylmyskerlerdiń jolyna jalǵyz ózi tosqaýyl qoıa bildi. Dúıim eldiń súısinisin týǵyzǵan erlik ıesi Erbol osy janqııarlyq erligi úshin Memleket basshysynyń Jarlyǵymen II dárejeli «Aıbyn» ordenimen marapattalǵan bolatyn. Búginde Erbol Otarbaev – Ulttyq ulannyń ofıseri. Erbol syndy erdiń erligin dáripteýmen birge, lańkestik pen ekstremızmniń aldyn alýǵa shaqyratyn, radıkaldy dástúrli emes dinı aǵymdardy nasıhattaýǵa qarsy qural bolyp tabylatyn jáne jas urpaqty qaısarlyqqa, otansúıgishtikke baýlıtyn jobanyń jabyq kórsetilimi Aqtaý qalasynda ótti.
Tusaýkeserge Mańǵystaý oblysy men Aqtaý qalasy ákimdiginiń basqarma basshylary, Aqtaý garnızonynyń komandırleri, quqyq qorǵaý organdarynyń basshylary, jýrnalıster, qoǵam qaıratkerleri, ishki ister organdary men Ulttyq ulan ardagerleri, shoý-bıznes ókilderi shaqyryldy.
Fılmniń qoıýshy rejısseri Serikbol О́tepbergenov bolyp tabylatyn kórkem fılmde basty rólderdi akterlar Sanurjan Súleımenov, Jasulan О́mirbek, Serik Salqynbaev, Erbolat Toǵyzaqov, Saıat Isembaev, Qajymuqan Kalımbetov, Jandos Jumagulov, Armat Smaıylov, Baýyrjan Balǵabaev, Gúlnara Baıbosynova jáne basqalary somdaıdy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
