EKSPO kórme kesheniniń aýmaǵynda Etnoaýyl uıymdastyrylyp, onda kelgen qonaqtar ulttyq oıyndar saıysyna qatysyp, dástúrli taǵamdardan dám tatyp, qazaq mádenıeti murajaıyn, tazy men tóbetter kórmesin tamashalaı alady.
Odan bólek, EKSPO týrıstik aımaǵy nysandary sizder úshin qarańǵy túskenshe jumys isteıtin bolady. «Nur Álem» - «Bolashaq energııasy» murajaıy men Úzdik tájirıbeler aımaǵy saǵat 21.00-ge, EKSPO muz aıdyny 23.00-ge deıin jumys istemek.
Kórme aıaqtalǵannan keıin týrıstik aımaqtaǵy EKSPO-2017 murasynyń eń mańyzdy nysany, sózsiz, «Nur Álem» pavılon-murajaıy bolyp tabylady. Ol 2017 jylǵy qarashada erekshe qorǵalatyn memlekettik sáýlet nysany bolyp tanyldy.
Sondaı-aq, «Nur Álem» sheteldik BAQ-ta elordamyzdyń jańa sımvoly Astananyń eń jıi eskeriletin týrıstik nysany qatarynda. Sarapshylardyń sózine súıensek, «Bolashaq energııasy» murajaıy Parıjdiń Eıfel munarasy jáne Londonnyń Hrýstaldy saraıy sııaqty Qazaqstannyń belgili kórikti nysanyna aınalý múmkindigi zor.
Úzdik tájirıbeler aımaǵy – EKSPO-2017 sımvolıkalyq ortalyǵy. Onda eń úzdik tehnologııalar, jobalar men ártúrli energetıka salasyndaǵy strategııalar usynylǵan. Onda ónerkásipte, elektrqýatyn saqtaý men qoldaný, klımattyń ózgerýimen kúres nemese damýshy elderde elektrenergııasymen qamtamasyz etý joldary qarastyrylǵan.
Kórme kesheniniń mańynda Kongress-ortalyǵy ornalasqan. Kongress-ortalyǵy aýqymdy mádenı oıyn-saýyq sharalar, taqyryptyq forýmdar men konsertter ótkizýge barlyq múmkindikter qarastyrylǵan.
Energııa holy - kameralyq konsertter, óner toptarynyń qoıylymdary úshin joǵarytehnologııalyq dybystyq qurylǵylarymen jabdyqtalǵan, kópfýnksııaly sahna alańy.
Budan bólek, EKSPO-2017 aýmaǵynda kelýshilerdiń jaılylyǵy úshin 1000 avtooryndyq jerasty turaǵy qarastyrylǵan. Turaq táýlik boıy jumys isteıdi.
