«Egemen akademııasy» – Medıa qyzmetkerlerine jáne stýdentterine bilimin shyńdaýǵa, biliktiligin arttyrýǵa jáne zamanaýı trendtermen tanysýǵa múmkindik beretin oqý alańy.
Jobanyń maqsaty – qazaqtildi basylym mamandarynyń bilimin arttyryp, salalyq jýrnalıstıkaǵa beıimdeý, sondaı-aq ózekti taqyryptar tóńireginde talqylaý alańyn keńeıtý.
Joba kelesi mindetterdi atqarady:
- Jýrnalıstıka mamandyǵynda oqıtyn jastardyń bilimin shyńdaý;
- О́ńir jýrnalısteriniń biliktiligin arttyrý;
- Salalyq taqyryptar boıynsha mamandardyń qatysýymen leksııa men semınar ótkizý;
- Qoǵamda bolyp jatqan ózekti taqyryptar boıynsha dıskýssııa alańyn usyný;
- Qazaq jýrnalıstıkasy máselelerin kóterý.
Formatyna keler bolsaq, «Egemen Akademııasy» úzdiksiz qyzmet etedi jáne onyń sharalary tikeleı efırde Egemen.kz saıtynda jáne áleýmettik jelilerde kórsetiledi. Joba úsh aıdan turatyn kýrstarǵa bólingen. Ár kýrs aıaqtalǵan kezde ótken sabaqtar boıynsha tanymdyq maqala, esse jáne saraptamalyq materıal jazǵan belsendi qatysýshylarǵa arnaıy sertıfıkat tabystalady. Joba sharalary: sheberlik saǵaty, leksııa jáne semınar, trenıng jáne dıskýssııa túrinde ótedi.
Alǵashqy maýsym ústimizdegi jyldyń 29 naýryzynda bastalmaq. Qatysamyn deýshiler jobanyń www.egemen.academy saıtyna kirip, tirkele alady.
Suraqtar boıynsha +7 7172 37 60 74, +7 7172 37 56 80 nómirlerine qońyraý shalyp, academy@egemen.kz elektrondy poshtasyna jaza alasyzdar.
